इजरायल र बहराइनबीच ऐतिहासिक शान्ति सम्झौताको तयारी

काठमाण्डौंः इजरायल र बहराइनबीच सम्बन्ध सुधारका लागि ऐतिहासिक सम्झौता गर्ने सहमति भएको छ । दुई देशबीच एक महिनाभित्र शान्ति सम्झौता गर्नेगरी गृहकार्य भइरहेको जनाएको छ ।

प्यालेस्टाइनसँगको विवादका कारण अरबका धेरैजसो देशले इजरायललाई बहिष्कार गर्दै आएका छन् । तर अब विवादलाई सुल्झाउँदै शान्ति सम्झौता गर्ने सहमति बनेको हो ।

इजरायलका प्रधानमन्त्री बेन्ज्यामिन नेतान्याहूले सम्बन्ध सुधारका लागि अर्को एक देशसँग सम्झौता भएको भन्दै उत्साहजनक प्रतिक्रिया दिएको बीबीसीले जनाएको छ । उहाँले सम्झौता नयाँ युग र शान्ति तथा अर्थव्यवस्थाका लागि सबैभन्दा महत्वपूर्ण भएको उल्लेख गर्नुभएको छ । यसअघि संयुक्त अरब इमिरेट्स यूएईले इजरायलसँग सम्बन्ध सुधारका लागि सहमति गरेको थियो ।