मंग्सिर ३, २०८३ बिहिबार November 19, 2026

एनपिएल : जनकपुरलाई हराउँदै लुम्बिनी लायन्स प्लेअफमा पुग्ने चौंथो टोलि बन्यो

सुदूरपश्चिम अविजित, काठमाडौँ–विराटनगर सुरक्षित; लुम्बिनी पनि प्लेअफमा

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । दोस्रो संस्करणको नेपाल प्रिमियर लिग (एनपीएल) अन्तर्गत लुम्बिनी लायन्स प्लेअफमा पुग्ने चौंथो टोलि बनेको छ ।

भर्खरै सम्पन्न खेलमा जनकपुर बोल्ट्सलाई चार विकेटले हराउँदै लुम्बिनीले प्लेअफको टिकट काटेको हो । १३३ रनको लक्ष्य लुम्बिनीले १९.१ ओभरमा ६ विकेटको क्षतिमा भेट्टायो ।

लुम्बिनीलाई जित दिलाउन कप्तान रोहित पौडेलले ३४, डार्सी शर्टले ३०, जोनाथन स्मितले २१, निरोशन डिकवेलाले १७ तथा दिलीप नाथले अविजित १५ रनको योगदान दिए ।

बलिङतर्फ जनकपुरका सङ्गीथ कुरेले तीन तथा मयन यादवले दुई तथा सञ्जय कृष्णमुर्तीले एक विकेट लिए ।

त्यसअघि टस जितेर पहिला ब्याटिङ गरेको जनकपुरले निर्धारित २० ओभरमा छ विकेटको क्षतिमा एक सय ३२ रन बनायो । जसमा सङ्गीथ कुरेले सर्वाधिक ४५, मयन यादवले २७, आशिफ शेखले २० रनको योगदान गरे ।

बलिङतर्फ लुम्बिनीका कप्तान रोहित पौडेल र शेर मल्ले दुई–दुई तथा जेजे स्मिथ र रुवेन ट्रम्पलम्यानले एक–एक विकेट लिए ।

यो नतिजासँगै पोखरा एभेन्जर्स, चितवन राइनोज र जनकपुर प्लेअफबाट बाहिरिएका छन् । प्रतियोगितामा सुदूरपश्चिम रोयल्स अविजित रहँदै १२ अङ्कका साथ पहिलो क्वालिफायरका लागि छनोट भइसकेको छ ।

काठमाडौँ गोर्खाज र विराटनगर किङ्स प्लेअफमा सुरक्षित छन् । कर्णाली याक्स भने यसअघि नै बाहिरिसकेको छ । मङ्सिर १ गतेदेखि सुरु भएको प्रतियोगितामा आठ टोली सहभागी छन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार