मंग्सिर ३, २०८३ बिहिबार November 19, 2026

एसिया कपः नेपालले श्रीलङ्कालाई दियो ८३ रनको लक्ष्य

नेपाली टोलीका लागि अब बलिङतर्फ उत्कृष्ट प्रदर्शन गर्दै खेलमा फर्किने चुनौती

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । नेपाली यु–१९ युवा क्रिकेट टोलीले एसिसी अन्डर–१९ एसिया कपमा श्रीलङ्काविरुद्ध जितका लागि ८३ रनको सामान्य लक्ष्य दिएको छ । दुबईस्थित द सेभेन्स रङ्गशालामा जारी खेलमा कमजोर ब्याटिङ प्रदर्शन गर्दै नेपाल २८ दशमलव ५ ओभरमा ८२ रनमै अलआउट भएको हो ।

टस जितेर पहिले ब्याटिङ गरेको नेपालले सुरुआतदेखि नै लय समात्न सकेन । श्रीलङ्काका बलरहरूको कडा र अनुशासित बलिङ अगाडि नेपाली ब्याट्सम्यानहरू लगातार विकेट गुमाउन बाध्य भए । विशेषगरी सेथ्मिका सेनेविरत्नले उत्कृष्ट बलिङ प्रदर्शन गर्दै ९ दशमलव ५ ओभरमा २५ रन मात्र खर्चेर ५ विकेट लिँदै नेपालको इनिङ्स ध्वस्त पारे ।

नेपालका कुनै पनि ब्याट्सम्यानले ठूलो योगदान दिन सकेनन् । नियमित अन्तरालमा विकेट पतन हुँदा नेपालले प्रतिस्पर्धात्मक स्कोर बनाउन असफल रह्यो । श्रीलङ्काका अन्य बलरहरूले पनि सटिक लाइन र लेन्थमा बलिङ गर्दै नेपाली टोलीमाथि दबाब बनाइराखेका थिए ।

एसिसी अन्डर–१९ एसिया कप यही मङ्सिर २६ गतेदेखि सुरु भएको हो । प्रतियोगितामा नेपालसहित आठ टोलीको सहभागिता छ । नेपाल समूह ‘बी’ मा रहेको छ, जहाँ नेपालसँगै बङ्गलादेश, श्रीलङ्का र अफगानिस्तान रहेका छन् । समूह ‘ए’ मा भारत, पाकिस्तान, युएई र मलेसिया रहेका छन् ।

समूह चरणका खेलहरूमा राम्रो प्रदर्शन गर्दै सेमिफाइनलमा स्थान बनाउने लक्ष्यसहित मैदान उत्रिएको नेपाली टोलीका लागि अब बलिङतर्फ उत्कृष्ट प्रदर्शन गर्दै खेलमा फर्किने चुनौती रहनेछ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार