मंग्सिर ३, २०८३ बिहिबार November 19, 2026

टी-२० विश्वकपका लागि अफगानिस्तानको टोली घोषणा

तीव्र गतिका बलर फजलहक फारुकी र अलराउन्डर गुलबदीन नइबको पुनरागमन

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । अफगानिस्तान क्रिकेट बोर्ड (एसीबी)ले भारत र श्रीलंकामा हुने टी–२० विश्वकप २०२६ का लागि १५ सदस्यीय टोलीको घोषणा गरेको छ ।

टोलीको कप्तानी फेरि पनि राशिद खानलाई दिइएको छ भने इब्राहिम जदरान उपकप्तान रहनेछन् । विश्वकपअघि यो टोलीले युएईमा वेस्टइन्डिजविरुद्ध तीन खेलको टी–२० अन्तर्राष्ट्रिय सिरिज खेल्नेछ ।

फजलहक फारुकी र गुलबदीन नइबको पुनरागमन

टोलीमा तीव्र गतिका बलर फजलहक फारुकी र अलराउन्डर गुलबदीन नइबको पुनरागमन भएको छ। यी दुवै खेलाडी यसअघि बंगलादेश भ्रमणबाट बाहिर राखिएका थिए । यसका साथै मुजीब उर रहमान र नवीन–उल–हकले पनि स्क्वाडमा स्थान पाएका छन् ।

नवीन–उल–हक पूर्ण रूपमा फिट

तीव्र बलर नवीन–उल–हक चोटबाट पूर्ण रूपमा निको भइसकेका छन् र चयनका लागि उपलब्ध छन् । उनी एशिया कपका दौरान फिटनेस कारण टोलीबाट बाहिरिएका थिए ।

एएम गजनफर रिजर्भमा

अफ–स्पिनर मुजीब उर रहमानको चयन भएपछि युवा मिस्ट्री स्पिनर एएम गजनफरलाई रिजर्भ खेलाडीको सूचीमा राखिएको छ । उनीसँगै इजाज अहमदजई र जिया उर रहमान शरीफी पनि रिजर्भमा समावेश छन् ।

टी–२० विश्वकप २०२४ मा सेमिफाइनलसम्म

अघिल्लो टी–२० विश्वकपमा अफगानिस्तानले पहिलो पटक सेमिफाइनलसम्मको यात्रा तय गरेको थियो । टोलीले न्युजिल्यान्ड, वेस्टइन्डिज, अष्ट्रेलिया र बंगलादेशजस्ता बलिया टोलीलाई पराजित गरेको थियो ।

समूह र पहिलो खेल

टी–२० विश्वकप २०२६ मा अफगानिस्तानलाई समूह डीमा राखिएको छ। यस समूहमा न्युजिल्यान्ड, दक्षिण अफ्रिका, युएई र क्यानडा रहेका छन् । अफगानिस्तानले आफ्नो पहिलो खेल फेब्रुअरी ८ तारिखमा चेन्नईमा न्युजिल्यान्डविरुद्ध खेल्नेछ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार