श्रावण २५, २०८३ सोमबार
August 10, 2026
युग खबर
२०८२ माघ १, बिहिबार
काठमाण्डौं, माघ १ गते । जेनजी आन्दोलनको क्रममा गत भदौ २४ गते कास्की कारागार कार्यालय, पोखराबाट फरार भएका एक कैदीलाई प्रहरीले पक्राउ गरेको छ । प्रहरीले भीरकोट नगरपालिका वडा नं –११ का ४० वर्षीय हिराबहादुर कुँवरलाई पक्राउ गरेको हो ।
हाडनाता जवरजस्ती करणी मुद्दामा कारागारमा रहेको कुँवर जेनजी आन्दोलनका क्रममा भागेको प्रहरी नायब उपरीक्षक प्रसन्नराज चौधरीले जानकारी दिनुभयो ।
कुँवरलाई विशेष सूचनाको आधारमा वडा प्रहरी कार्यालय वालिङ र प्रहरी चौकी दहथुम, स्याङ्जाबाट खटिएको विशेष टोलीले घरबाटै पक्राउ गरेको हो ।
यस्तै प्रहरीले लागुऔषध मुद्दामा फरार दुई प्रतिवादीहरू समेत पक्राउ गरेको छ ।
वडा प्रहरी कार्यालय, बैदाम कास्कीमा लागुऔषध सम्बन्धी कसूरमा मुद्दा दर्ता भएका भिरकोट –२ बस्ने ३२ वर्षीय मुकर खान भन्ने सजित अलि मिया र गोरखा नगरपालिका –४ भई हाल भिरकोट–०१ बस्ने २४ वर्षीय पेप्पे भन्ने प्रविन अधिकारीलाई प्रहरीले पक्राउ गरेको हो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया