काठमाण्डौं । साफ महिला फुटसल च्याम्पियनसिपमा नेपालले शनिबार भारतसँग प्रतिस्पर्धा गर्दैछ।
थाइल्याण्डमा जारी च्याम्पियनसिप अन्तर्गत आफ्नो तेस्रो खेलमा नेपालले दिउँसो पौने ४ बजे भारतसँग प्रतिस्पर्धा गर्न लागेको हो ।
नेपालले यसअघि बिहीबार भएको खेलमा माल्दिभ्समाथि ५–० गोलको जित निकालेको थियो ।
पहिलो खेलमा भने नेपाल श्रीलंकासँग २–२ गोलको बराबरीमा रोकिएको थियो। नेपाल अपराजित यात्रा जारी राख्ने गरी भारतविरुद्ध मैदान उत्रिन लागेको हो ।
यसअघि शुक्रबार सम्पन्न खेलमा पुरुष टोलीले श्रीलंकालाई पराजित गरेको छ । श्रीलंकालाई २–० गोलले पराजित गर्दै नेपालले साफ पुरुष फुटसल च्याम्पियनसिपमा विजयी शुरुवागत गरेको हो। पुरुष टिमले पनि आइतबार भारतसँग खेल्ने तालिका छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया