इङलिस प्रिमियर लिग : म्यान्चेस्टर सिटीसँग उल्भ्स २-० गोल अन्तरले पराजित

काठमाण्डौं । इङलिस प्रिमियर लिग अन्तर्गत शनिबार साँझ भएको खेलमा म्यान्चेस्टर सिटीले पुछारमा रहेको उल्भ्सलाई २-० गोल अन्तरले पराजित गरेको छ ।

यो जितसँगै सिटीले लिगको अंक तालिकामा शीर्ष स्थानमा रहेको आर्सनलसँगको अंक दूरी ४ मा झारेको छ । सिटीको २३ खेलबाट ४६ अंक भएको छ भने पहिलो स्थानमा रहेको आर्सनलको २२ खेबाट ५० अंक छ ।

सिटीका फर्वार्ड अर्लिङ हालान्ड बेगर मैदानमा उत्रेको सिटीका लागि ओमार मारमाउस र एन्टोन सेमेन्योले गोल गरेका थिए । सिटीको गृह मैदान एतिहादमा भएको यस खेलमा सिटीले बललाई ६७ प्रतिशत बढी आफ्नो नियन्त्रणमा राखेर उल्भ्समाथि निरन्तर दबाब दिएको थियो ।

यस हारपछि उल्भ्सले यस सिजन २३ खेलबाट ८ अंक मात्र जोडेर रेलिगेसन जोनमा फसेको छ । उता, वेस्टह्याम भने रेलिगेसनको खतराबाट बाहिर निस्कने गरी खेल प्रदर्शन जारी राखेको छ ।

यसैगरी, शनिवार भएका अन्य खेलहरुमा फूलह्यामले ब्राइटनलाई २१ र वेस्टह्यामले सन्डरल्यान्डलाई ३१ गोल अन्तरले हराएको थियो भने बर्नली र टोटनह्यामबीचको खेल ११ को बराबरी सकिएको थियो ।