भारतमा आजदेखि विद्यालय खुले

काठमाडौंः भारतका केही राज्यमा आजदेखि विद्यालय सन्चालनमा आउने भएका छन् । लामो समयदेखि जारी लकडाउन खुकुलो बनाउदै लैजाने निति अनुरुप सरकारले आजबाट सबै विद्यालय सन्चालन गर्ने निर्णय गरेको हो ।

आजदेखि मध्यप्रदेश, जम्मु काश्मीर, राजस्थान तथा हरियाणाका विद्यालय खुलेको भारतीय सञ्चारमाध्यमले जनाएका छन् । यी राज्यमा कोरोना भाइरसलाई लिएर जारी गरेको निर्देशिकाको आधारमा विद्यालय खोल्ने निर्णय गरिएको हो । कोरोना संक्रमण जोखिम कायमै रहेको भन्दै कतिपय राज्यले विद्यालय खोल्न असहमति जनाएका छन् ।

उनीहरुले कोरोनाका जोखिमकाबीच बालबालिकालाई स्कुल पठाउन नहुने बताएका हुन् । बिहार राज्यमा विद्यालय खोल्ने नखोल्नेबारे भोलि मात्रै निर्णय हुने भएको छ । आजदेखि मध्येप्रदेशका धेरैजसो सरकारी तथा निजी विद्यालय सञ्चालनमा आउने छन् ।

स्कुल सञ्चालनका लागि विद्यार्थी, शिक्षक तथा कर्मचारीले अनिवार्य रुपमा मास्क लगाउनुपर्ने, स्कुलमा स्यानिटाइजर उपलब्ध हुनुपर्ने, एक पटक विद्यार्थी स्कुल भित्र छिरेपछि छुट्टि भएपछि मात्रै बाहिर जान पाउने जस्ता नियम लागू गरिएको छ ।

भारतमा कोरोनाका कारण ५४ लाख ८५ हजारभन्दा धेरै सङ्क्रमित भएका छन् । कोरोनाबाट सङ्क्रमित देशको दोस्रो सूचीमा रहेको भारतमा अहिलेसम्म ८७ हजार ९ सय ९ जनाले ज्यान गुमाइसकेका छन् ।