काठमाडौं । आइसिसी टी–२० विश्वकप अन्तर्गत आज तीन खेल हुँदैछन् । प्रतियोगिताको खेल तालिकाअनुसार आज नामिबिया, नेदरल्यान्ड्स, न्यूजील्यान्ड, युएई, पाकिस्तान र अमेरिका आमनेसामने हुँदैछन् ।
पहिलो खेल बिहान ११:१५ बजे नामिबिया र नेदरल्यान्ड्सबीच हुनेछ । समूह ‘ए’ मा रहेका यी दुई टोलीबीचको खेल भारतको दिल्लीस्थित मैदानमा आयोजना हुने छ । दुवै टोली प्रतियोगितामा महत्वपूर्ण अंक जोड्ने लक्ष्यसहित मैदान उत्रने छन् ।
यसैगरी, दोस्रो खेल समूह ‘डी’ अन्तर्गत न्यूजील्यान्ड र युएईबीच हुनेछ । भारतको चेन्नाईमा आयोजना हुने यो खेल अपराह्न ३:१५ बजे सुरु हुने तालिका रहेको छ । अनुभवी न्यूजील्यान्ड र उदीयमान युएईबीचको प्रतिस्पर्धालाई रोचक रूपमा हेरिएको छ ।
तेस्रो तथा अन्तिम खेल समूह ‘ए’ अन्तर्गत पाकिस्तान र अमेरिकाबीच हुनेछ । श्रीलंकाको कोलम्बोमा आयोजना हुने यो खेल साँझ ७:१५ बजे सुरु हुनेछ । पछिल्लो समय टी–२० क्रिकेटमा अमेरिकाले देखाएको प्रतिस्पर्धात्मक प्रदर्शनका कारण पाकिस्तानसँगको खेललाई पनि चासोका साथ हेरिएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया