काठमाण्डौं । इङलिस प्रिमियर लिगमा आज मध्यराति भएका खेलमा म्यान्चेस्टर सिटी र लिभरपुल विजयी भएका छन् ।
म्यान्चेस्टरको गृह मैदान एतिहाद रङ्गशालामा भएको खेलमा म्यान्चेस्टरले फुलह्यामलाई ३–० गोल अन्तरले पराजित गरेको थियो । दुबै टिमबाट एकअर्काका गोलपोस्टमा निकै राम्रा प्रहार गरे पनि अन्तत: सिटी नै विजयी भयो ।
सिटीका लागि एन्टोन सेमेन्यो, निको ओ–राइली र एर्लिङ हालान्डले गोल गरेका थिए ।
यो जितसँगै सिटीले २६ खेलबाट लिगमा ५३ अंक सहित दोस्रो स्थानलाई सुरक्षित र थप बलियो बनाएको छ । यद्यपी २५ खेल खेलेको आर्सनल भन्दा सिटी अब ३ अंकले मात्र मुनि छ ।
उता, लिभरपुलले भने सन्डरल्यान्डलाई १–० गोल अन्तरले पराजित गरेर प्रिमियर लिगमा छैटौं स्थानमा उक्लेको छ । लिभरपुलका लागि एक मात्र गोल भर्जिल भान जिकले गरेका थिए ।
लगातार २ खेल हारेको सन्डरल्यान्ड भने ३६ अंक सहित लिगको एघारौं स्थानमा छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया