मंग्सिर ३, २०८३ बिहिबार November 19, 2026

स्पिन आक्रमण चम्कियो, पुलिस ८८ रनमै समेटिँदा आर्मी विजयी

भीम सार्कीको शतक र बलरको कमाल, आर्मीको पहिलो खेलमै शानदार जीत

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं। त्रिभुवन आर्मी क्लबले जय ट्रफीको पहिलो खेल जितेको छ। शनिबार सम्पन्न खेलमा आर्मीले नेपाल पुलिस क्लबलाई ९ विकेटले पराजित गरेको हो।

आर्मीका स्पीन बलरले मिलेर ९ विकेट लिएपछि दोस्रो इनिङमा पुलिसले ८८ रन मात्र बनाएर ४१ रनको अग्रताका साथ आर्मीलाई ४२ रनको लक्ष्य दिएको थियो। पहिलो सत्रमै आर्मीले ९ विकेटको जित निकाल्यो।

कुशल मल्लले विजयी चौका प्रहार गर्दै अविजित ४२ रन बनाए। इमरान शेख १ रनमा आउट भए। त्यसअघि दोस्रो इनिङमा ४७ रनले पछाडि परेको अवस्थाबाट ब्याटिङ गरेको पुलिस ८८ रनमा अलआउट भएर ४१ रनको अग्रता बनाएको थियो। कुशल भुर्तेलले सर्वाधिक ४८ रन बनाए।

अन्य ब्याटरले दोहोरो अंकमा रन बनाउनै सकेनन्। राशिद खान ९, शंकर राना ८, दिलसाद अली ६ रनमा आउट भए। अमित श्रेष्ठले ४ रन बनाउँदा कप्तान आरिफ शेखले ३ रन मात्र बनाए। आर्मीका लागि बसिर अहमदले ४ विकेट लिए। कुशल मल्लले ३ तथा शाहब आलमले २ अनि आकाश चन्दले १ विकेट लिए।

त्रिवि क्रिकेट मैदानमा भएको खेलमा टस हारेर पहिले ब्याटिङ गरेको पुलिसले ५३.३ ओभरमा १५३–८ को अवस्थामा पहिलो इनिङ समाप्तिको घोषणा गरेको थियो। पुलिसका लागि राशिद खानले सर्वाधिक ३८ रन बनाए भने कप्तान आरिफ शेख ३६ रनमा अविजित रहँदा ओपनर कुशल भुर्तेलले ३० रन बनाए। दिलसाद अलीले २७ रन बनाए।

आर्मीका लागि पवन कार्कीले ४ विकेट लिए। आकाश चन्द, शाहब आलम, नरेन साउद र बसिर अहमदले १–१ विकेट लिए।

त्यसपछि आर्मीले दोस्रो इनिङमा ९ विकेट गुमाएर २३४ रन बनाउँदै ४७ रनको अग्रताका साथ इनिङ घोषणा गरेको थियो। आर्मीका भीम सार्कीले ११३ बलमा १०५ रन बनाएर अविजित रहे। पवन कार्कीले ३७ तथा नरेन साउदले ३१ रन बनाए। पुलिसका लागि सागर ढकालले ६ विकेट लिए। ललित राजवंशीले २ तथा कुशल भुर्तेलले १ विकेट लिए।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार