निर्वाचन आयोगद्धारा उप-निर्वाचनका लागि पुनः दल दर्ताको लागी आव्हान

काठमाण्डौः निर्वाचन आयोले यही मंसिर १४ गते सम्पन्न हुने उप-निर्वाचन प्रयोजनको लागि राजनीतिक दल दर्ता सम्बन्धी सूचना प्रकाशित गरेको छ । आयोगले सोमबार एक सूचना जारी गरी यसअघि एकीकरण भई अथवा नयाँ नाममा दर्ता भइसकेको दलहरुलाई पनि उप-निर्वाचन प्रयोजनका लागि भदौ ३१ गतेभित्र पुनः नामदर्ता गर्न अपिल गरेको छ ।

निर्वाचन आयोगको उक्त सूचना जारी भएसँगै सत्तारूढ लगायत प्रतिपक्ष दल तथा अन्य दलहरूले आगामी उप-निर्वाचनमा भाग लिन निर्वाचन आयोगमा पुनः दल दर्ता गराउनुपर्ने भएको छ । यसअघि २०७४ सालमा सम्पन्न भएका तिनवटै निर्वाचनमा आयोगमा दर्ता भएका दलहरूले भने उप-निर्वाचनको प्रयोजनका लागि पुनः दल दर्ता गर्नु नपर्ने आयोगले जनाएको छ ।

आगामी मंसिर १४ गते विभिन्न कारणले प्रतिनिधिसभा, प्रदेशसभा र स्थानीय तहमा खाली भएका ५१ वटा पदमा उप-निर्वाचन हुँदैछ।

निर्वाचन आयोगद्धारा उप-निर्वाचन प्रयोजनको लागी राजनीतिक दल दर्ता सम्बन्धी जारी गरिएको सुचनाः