सुनको मूल्य तोलामै ५ हजार ६०० ले बढ्यो, चाँदी कति पुग्यो ?

काठमाडौं । आइतबार सुनकाे मूल्य प्रतिताेला ५ हजार ६०० ले बढेकाे छ ।

नेपाल सुनचाँदी व्यवसायी महासङ्घका अनुसार आज छापावाल सुन प्रतितोला ५ हजार ६‍‍‍०० ले बढेर ३ लाख २० हजार ५०० कायम भएकाे छ । गत शुक्रबार छापावाल सुन प्रतितोला ३ लाख १४ हजार ९०० मा कारोबार भएको थियो ।

यस्तै, चाँदीको मूल्य प्रतितोला २ सय ४५ ले बढेर ५ हजार ९८५ कायम भएकाे छ । शुक्रबार चाँदी प्रतितोला ५ हजार ७४० मा कारोबार भएको थियो ।

अन्तरराष्ट्रिय सञ्चारमाध्यमहरूका अनुसार आज अन्तरराष्ट्रिय बजारमा एक औँस सुन पाँच हजार २७८ र त्यति नै परिमाणको सेतो धातु ९४ अमेरिकी डलरमा कारोबार भइरहेको छ ।