काँग्रेसको दोस्रो चरणको जागरण अभियान भदौ २४ देखी शुरू हुने

काठमाण्डौः प्रमुख प्रतिपक्ष दल नेपाली कांग्रेसले यही भदौ २४ गतेदेखि दोस्रो चरणको राष्ट्रिय जागरण अभियान शुरू गर्ने भएको छ ।

काँग्रेसका प्रवक्ता विश्वप्रकाश शर्माले पार्टी मुख्यालय सानेपा ललितपुरमा बिहीबार पत्रकार सम्मेलनको आयोजना गरी कांग्रेसले उक्त अभियान सञ्चालन गर्न लागेको बताएका हुन् । दोस्रो चरणको जागरण अभियान असोज ०७ गतेसम्म देशैभर एकसाथ चल्नेछ । जननेता बीपी कोइरालाको १०६ औं जन्म जयन्तीको दिन पारेर कांग्रेसले अभियानको सुरुवात गर्न लागेको र उक्त अभियानको उद्घाटन वृक्षारोपण गरेर शुरू हुनेछ ।

करिब १५ दिन सञ्चालन हुने दोस्रो चरणको जागरण अभियानमा पूर्वघोषणा अनुरूप ७७ वटै जिल्लाका निर्वाचन क्षेत्र केन्द्रीत अभियान सम्पन्न गर्ने योजना रहेको प्रवक्ता विश्वप्रकाश शर्माले जानकारी दिए ।

जागरण अभियानका क्रममा ३३० वटा क्षेत्रहरूमा केन्द्रीय प्रतिनिधिहरू परिचालन हुनेछन् । अभियानको अन्तिम दिन असोज ०७ गते जिल्लास्तरीय विरोध प्रदर्शनहरू समेत सञ्चालन गर्ने प्रवक्ता शर्माले बताएका छन् ।

राष्ट्रिय जागरण अभियानका १५ उद्देश्यहरू जस्ताको तस्तैः