संघिय सांसदहरुलाई आगामी जेठ १० गतेभित्र आफ्नो सम्पत्ति विवरण बुझाउन सर्कुलर

काठमाडौं, १५ चैत्र । संघीय संसद् सचिवालयले नवनिर्वाचित प्रतिनिधिसभा सदस्यहरूलाई ०८३ को जेठ १० गतेभित्र आफ्नो सम्पत्ति विवरण बुझाउन भनेको छ । सचिवालयको सांसद सुविधा शाखाले सूचना निकालेर नवनिर्वाचित प्रतिनिधि सभाका सदस्यहरूलाई सम्पत्ति विवरण बुझाउन भनेको छ ।

सूचनामा भनिएको छ,‘प्रतिनिधि सभाका माननीय सदस्यहरुले मिति २०८३ जेठ १० गतेसम्म आर्थिक वर्ष २०८१/०८२ को अद्यावधिक सम्पत्ति विवरण सिलबन्दी खाममा देहायको विवरणहरू उल्लेख गरी संघीय संसद सचिवालयको सांसद सुविधा व्यवस्थापन शाखा भवन नं १ को कोठा नं २०७० मा कार्यालय समयभित्र दर्ता गराउनुहुन निर्देशानुसार यो सूचना प्रकाशन गरिएको छ।’