चटपटेको निहुँमा झगडा हुँदा १२ वर्षिया बालिकाको हत्या

काठमाण्डाैंः वराह नगरपालिका १ कटहरे टोल बस्ने १२ वर्षीया बालिकाको चटपटेको निहुँमा हत्या गरिएको छ । हत्या गरेको अभियोगमा सोही ठाउँ बस्ने १५ वर्षिय किशोरलाई प्रहरीले पक्राउ गरेको छ ।

शुक्रबार राति भएको घटनाको जानकारी प्राप्त हुनासाथ प्रहरीले ज्यान सम्वन्धी अनुसन्धानमा प्रयोग गरिने “लैला” नामको कुकुर समेतको सहयोगमा उनलाई पक्राउ गरेको जनाएको छ ।

जिल्ला प्रहरी कार्यालय सुनसरीका अनुसार शुक्रबार राती राईकी आमा विरामी भई परम्परागत रुपमा हुने उपचारका लागि छिमेकीको घरमा सपरिवार गएको अवस्थामा घरमा बसेकी ती बालिका चटपटे किन्न आएका प्रतिवादीसँग चटपटे कै निहुमा विवाद हुँदा हत्या गरेको प्रारम्भिक अनुसन्धानबाट खुल्न आएको हो ।

उनी माथि जिल्ला अदालत सुनसरीबाट ५ दिन म्याद लिई थप अनुसन्धान भइरहेको प्रहरीले जनाएको छ ।