मंग्सिर ३, २०८३ बिहिबार November 19, 2026

ओपन कराते च्याम्पियनसिप : नेपालका सन्तोष राईलाई कास्य पदक

युएस ओपन करातेमा सन्तोषलाई

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । अमेरिकामा भएको युएसए ओपन कराते च्याम्पियनसिप २०२६ मा नेपालका सन्तोष राईले कास्य पदक जितेका छन् ।

टेक्सास राज्यस्थित फोर्ट वर्थ कन्भेन्सन सेन्टरमा आइतबार भएको च्याम्पियनसिपमा नेपाली खेलाडी सन्तोषले काता विधातर्फ काँस्य पदक जितेका हुन् । यस प्रतियोगितामा सन्तोषले रिपेचाजमार्फत पदक सुरक्षित गरे । रिपेचाजमा अमेरिकाका कारास्क्वेललाई हराउँदै सन्तोषले नेपाललाई पदक दिलाए ।

त्यसअघि पहिलो खेलमा अमेरिकाकै भिरायो पिएरपाओलोलाई हराएर सन्तोषले विजयी यात्रा सुरु थिए । उनले दोस्रो खेलमा पनि अमेरिकाकै कोम्पस जोनीलाई पराजित गरे । तेस्रो खेलमा भने सन्तोष ओसाको हिसाओसँग पराजित हुन पुगे । यससँगै उनको फाइनल खेल्ने सपना पूरा हुन सकेन । तर, रिपेचाजबाट उनी पदक जित्न सफल भए ।

सन्तोषले फाइटमा पनि प्रतिस्पर्धा गरेका थिए । फाइटतर्पm उनले पाँच बाउट जिते पनि पदकका लागि पर्याप्त भएन । यस विधामा पनि रिपेचाजबाट पदकका लागि भएको भिडन्तमा सार्दी मार्सेलोसँग अन्तिम समय समालिन नसक्दा सन्तोष अर्को पदकबाट चुकेका हुन् । फाइटमा सन्तोषले पहिलो खेलमा अमेरिकाका नाथानियल जुनियरलाई ७–० ले पराजित गरेका थिए ।

त्यसपछि उनले अमेरिकाका सोर्बी ओरिया र कारास्क्वेललाई हराउँदै अगाडि बढे । चौथो खेलमा भने सन्तोषले घरेलु टोलीका कुचुक्कसँग पराजित भएपछि फाइनलमा पुग्न योजना पूरा भएन । उनका प्रशिक्षक सुनिल लामाले आफ्ना खेलाडीले सन्तोष जनक प्रदर्शन गरेको र अन्तिम समयमा समालिन नसक्दा अर्को पदकबाट चुकेको बताए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार
रूपन्देही लगायत लुम्बिनीका १० जिल्ला कुष्ठरोगको जोखिममा
२०८३ मंग्सिर ३, बिहिबार
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार