परराष्ट्रमन्त्री खनाल र चिनियाँ राजदूतबीच भेटवार्ता

काठमाण्डौं । नवनियुक्त परराष्ट्र मन्त्री शिशिर खनाल र नेपालका लागि चिनियाँ राजदूत झाङ माओमिङबीच भेटवार्ता भएको छ। राजदूत झाङले आज मन्त्रालय पुगेर शिष्टाचार भेट गरेका हुन्।

भेटका क्रममा दुई देशबीचको सदियौँ पुरानो मैत्रीपूर्ण सम्बन्ध, आपसी हित र साझा चासोका विविध पक्षमा छलफल भएको पराष्ट्रमन्त्रीको सचिवालयले जनाएको छ।

मन्त्री खनालले नेपालको आर्थिक र सामाजिक विकासमा चीनले पुर्‍याउँदै आएको निरन्तर सहयोगप्रति धन्यवाद व्यक्त गर्दै आगामी दिनमा पनि सहकार्यलाई अझ सुदृढ बनाउनुपर्नेमा जोड दिएका थिए।

राजदूत माओमिङले पनि आफ्नो कार्यकालमा नेपाल-चीन सम्बन्धलाई नयाँ उचाइमा पुर्‍याउने विश्वास दिलाए।

मन्त्री खनालसँग हिजो भारतीय राजदूत नवीन श्रीवास्तवले पनि भेटवार्ता गरेका थिए ।