मंग्सिर ३, २०८३ बिहिबार November 19, 2026

छैटौँ कटारी गोल्डकपः शलेस युथ क्लब सेमिफाइनलमा प्रवेश

प्रतियोगिताअन्तर्गत बुधबार (भोलि) पहिलो सेमिफाइनलमा आयोजक कटारी-११ र चात्या फुटबल क्लब झापावीच प्रतिष्पर्धा हुने

शेयर गर्नुहोस:
फन्ट परिवर्तन गर्नुहोस: अ अ अ

कटारी (उदयपुर), १ वैशाखः उदयपुरको कटारीमा शनिबारदेखि जारी छैटौँ कटारी अन्तरराष्ट्रिय आमन्त्रित मेयर गोल्डकप नकाउट फुटबल प्रतियोगिताअन्तर्गत आज भएको खेलमा शलेस युथ क्लब, सिरहा सेमिफाइनलमा प्रवेश गरेको छ ।

पाँचौँ कटारी गोल्डकपको उपविजेता बनेको शलेसले केराबारी फुटबल क्लब, मोरङलाई २-० गोल अन्तरले पराजित गर्दै अन्तिम चारमा आफ्नो स्थान सुरक्षित गरेको हो ।

खेलको पहिलो हाफमा सिरहाका लागि राज भुसालले गोल गर्दै अग्रता लिएका थिए । त्यसैगरी खेलको ७४औँ मिनेटमा नाईजेरियन खेलाडी फिलिप इजुनेले सिरहाका लागि दोस्रो गोल गरेका हुन् ।

केराबारीले अवसर पाए पनि गोल गर्न नसक्दा प्रतियोगिताबाट बाहिरिनु परेको हो । आजको खेलको ‘म्यान अफ द म्याच’ सिरहाका भुसाल घोषित भएका छन् । नगरपालिकाका पूर्वउपप्रमुख भिमकुमारी राउतद्वारा भुसाललाई रु पाँच हजारका साथमा ट्रफी र मेडल प्रदान गरिएको छ ।

कटारी नगर खेलकुद विकास समितिको आयोजनामा जारी प्रतियोगिताको विजेताले रु पाँच लाखका साथमा ट्रफी, मेडल र प्रमाणपत्र हात पार्नेछन् । त्यसैगरी उपविजेताले रु तीन लाखका साथमा ट्रफी, मेडल र प्रमाणपत्र प्राप्त गर्नेछन् ।

समितिका उपाध्यक्ष राजकुमार थापा क्षेत्रीका अनुसार आठ समूहको सहभागिता रहेको प्रतियोगिता यही वैशाख ५ गते सम्पन्न हुनेछ । प्रतियोगिताअन्तर्गत बुधबार (भोलि) पहिलो सेमिफाइनलमा आयोजक कटारी-११ र चात्या फुटबल क्लब झापावीच प्रतिष्पर्धा हुनेछ । रासस

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार
रूपन्देही लगायत लुम्बिनीका १० जिल्ला कुष्ठरोगको जोखिममा
२०८३ मंग्सिर ३, बिहिबार
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार