मंग्सिर ३, २०८३ बिहिबार November 19, 2026

रोमाञ्चक फाइनलमा सोसिडाड विजयी, पेनाल्टी सुटआउटमा एटलेटिको पराजित

पेनाल्टीमा सोसिडाडले उत्कृष्ट प्रदर्शन गर्दै ४–३ को जित निकाल्यो र उपाधि आफ्नो नाममा पार्न सफल

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं, ७ वैशाख । स्पेनिस फुटबलको प्रतिष्ठित प्रतियोगिता कोपा डेल रेको यस सिजनको उपाधि रियल सोसिडाडले जितेको छ । रोमाञ्चक फाइनलमा सोसिडाडले च्याम्पियन्स लिगको सेमिफाइनलमा पुग्न सफल एटलेटिको मेड्रिडलाई पेनाल्टी सुटआउटमा ४–३ ले पराजित गर्दै आफ्नो चौथो कोपा डेल रे उपाधि उचालेको हो ।

खेलको सुरुवात नै सोसिडाडका लागि सपनाजस्तै रह्यो । खेल सुरु भएको मात्र १४ सेकेण्डमै एन्डर बेरेनेटिक्सयाले गोल गर्दै एटलेटिकोलाई स्तब्ध बनाएका थिए । अप्रत्याशित सुरुवातपछि दबाबमा परेको एटलेटिकोले भने १८ औं मिनेटमा एडेमोला लुकम्यानको गोलमार्फत् खेल १–१ को बराबरीमा ल्यायो ।

पहिलो हाफको इन्जुरी समयमा मिकेल ओयारजाबालले गोल गर्दै सोसिडाडलाई पुनः अग्रता दिलाएपछि पहिलो हाफ २–१ को स्थितिमा टुंगिएको थियो । दोस्रो हाफमा एटलेटिकोले आक्रामक खेल प्रस्तुत गर्दै बराबरी खोजिरहँदा ८३ औं मिनेटमा जुलियन अल्भारेजले महत्वपूर्ण गोल गर्दै खेललाई २–२ को बराबरीमा पुर्‍याए ।

निर्धारित ९० मिनेटमा नतिजा ननिस्किएपछि खेल अतिरिक्त समयमा धकेलिएको थियो । अतिरिक्त समयमा पनि दुबै टोलीले थप गोल गर्न नसकेपछि खेलको निर्णय पेनाल्टी सुटआउटमार्फत गरिएको हो । पेनाल्टीमा सोसिडाडले उत्कृष्ट प्रदर्शन गर्दै ४–३ को जित निकाल्यो र उपाधि आफ्नो नाममा पार्न सफल भयो ।

यो जितसँगै रियल सोसिडाडले इतिहासमा चौथोपटक कोपा डेल रे उपाधि जित्दै आफ्नो उपलब्धि थप मजबुत बनाएको छ भने एटलेटिको मेड्रिड महत्वपूर्ण उपाधिबाट वञ्चित हुन पुग्यो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार
रूपन्देही लगायत लुम्बिनीका १० जिल्ला कुष्ठरोगको जोखिममा
२०८३ मंग्सिर ३, बिहिबार
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार