आयुष म्हात्रे आइपिएलबाट बाहिरिए, चेन्नईलाई झट्का

काठमाडौँ । चेन्नई सुपर किंग्सका युवा ब्याट्सम्यान आयुष म्हात्रे मांसपेशीमा चोट लागेपछि जारी आइपिएलबाट बाहिरिएका छन् ।

सनराइजर्स हैदरावादविरुद्धको खेलमा ब्याटिङका क्रममा उनी घाइते भएका हुन् । चेन्नई सुपर किंग्सले क्लबले उनको उपचारमा ६ देखि १२ हप्तासम्म समय लाग्ने जनाएको छ ।

म्हात्रे हालसम्म टोलीका सर्वाधिक रन बनाउने खेलाडी थिए । प्रशिक्षक माइक हसीले उनको अनुपस्थिति टोलीका लागि ठूलो क्षति हुने बताएका छन् । उनले यस सिजनमा ६ खेलमा २०१ रन बनाएका थिए ।

म्हात्रेको इन्जुरी चेन्नईका लागि ठुलो झट्काको रुपमा हेरिएको छ । यसअघि पनि महेन्द्र सिंह धोनी, नाथन इलिस, खलिल अहमद जस्ता खेलाडी चोटका कारण बाहिरिँदा चेन्नई यस सिजन कमजोर प्रदर्शन गर्दै आएको छ ।

यस सिजनमा चेन्नईले अहिलेसम्म खेलेका ६ खेलमा २ जित र ४ खेलमा हार बेहोरी सकेको छ ।