मंग्सिर ३, २०८३ बिहिबार November 19, 2026

लामिन यमल यस सिजनका खेल खेल्न नसक्ने, बार्सिलोनालाई धक्का

छोटो समयमै अन्तर्राष्ट्रिय फुटबलमा प्रभाव जमाएका यमलको उपलब्धता टोलीका लागि महत्वपूर्ण

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । स्पेनिस क्लब बार्सिलोनाका युवा खेलाडी लामिन यमल ला लिगाको बाँकी सिजनबाट बाहिरिएका छन् । ह्यामस्ट्रिङ चोटका कारण उनी अब बाँकी खेलहरू खेल्न नसक्ने भएका हुन् ।

क्लबका अनुसार गरिएको स्वास्थ्य परीक्षणमा उनको खुट्टाको मांसपेशी च्यातिएको देखिएको छ । त्यसपछि क्लबले दीर्घकालीन फिटनेसलाई ध्यानमा राख्दै सावधानीपूर्वक उपचार योजना अपनाउने निर्णय गरेको जनाएको छ ।

यो चोट ला लिगाअन्तर्गत सेल्टा भिगोविरुद्धको खेलमा लागेको हो । उक्त खेलमा बार्सिलोनाले १–० को झिनो जित निकालेको थियो । सो खेलमा यमलले पेनाल्टी गोल गरेका थिए ।

गोल गरेलगत्तै उनले खुट्टामा असहज महसुस गर्दै मैदानमै लडेको देखिएको थियो । चिकित्सक टोलीले तुरुन्तै जाँच गरेपछि उनलाई मैदानबाट बाहिर लगिएको थियो । उनी आफैं हिँडेर बाहिरिए पनि सिधै ड्रेसिङ रुमतर्फ गएको दृश्यले चोट गम्भीर भएको संकेत दिएको थियो ।

पछि गरिएको विस्तृत परीक्षणमा उनको देब्रे खुट्टाको मांसपेशी च्यातिएको पुष्टि भएको हो । यससँगै क्लबले जोखिम नलिँदै उनलाई सिजनका बाँकी खेलबाट बाहिर राख्ने निर्णय गरेको छ । यमलको इन्जुरी बार्सिलोनाका लागि ठुलो धक्काको रुपमा हेरिएको छ ।

यद्यपि, फिफा विश्वकपसम्म उनी निको हुने आशा गरिएको छ । उपचार र पुनःस्थापनाको प्रक्रिया ठीकसँग अघि बढेमा उनी प्रतियोगितामा खेल्न सक्ने सम्भावना रहेको जनाइएको छ ।

यसबीच स्पेनको राष्ट्रिय टोलीले पनि उनको अवस्थामाथि नजिकबाट निगरानी राखिरहेको जनाएको छ । छोटो समयमै अन्तर्राष्ट्रिय फुटबलमा प्रभाव जमाएका यमलको उपलब्धता टोलीका लागि महत्वपूर्ण मानिएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार
रूपन्देही लगायत लुम्बिनीका १० जिल्ला कुष्ठरोगको जोखिममा
२०८३ मंग्सिर ३, बिहिबार
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार