बैसाख १५, २०८३ मंगलबार
April 28, 2026
युग खबर
२०८३ बैसाख १५, मंगलबार
पोखरा । राष्ट्रिय सभाका उपाध्यक्ष लिलाकुमारी भण्डारी र गण्डकी प्रदेश प्रमुख डिल्लीराज भट्टबीच भेटवार्ता भएको छ ।
पोखरास्थित प्रदेश प्रमुख निवासमा उनीहरूबीच भेटवार्ता भएको हो ।
भेटका क्रममा प्रदेश प्रमुख भट्टले उपाध्यक्ष भण्डारीलाई राष्ट्रिय सभाको महत्त्वपूर्ण जिम्मेवारीप्रति बधाई ज्ञापन गरेका थिए ।
उनले संघ र प्रदेशबीच प्रभावकारी समन्वय तथा सहकार्य आवश्यक रहेको उल्लेख गर्दै त्यसका लागि सहजीकरण गर्नुपर्ने बताए ।
प्रदेशमा कानून निर्माण प्रक्रिया, यसको कार्यान्वयन तथा नीति निर्माणसँग सम्बन्धित विषयमा भेटघाटमा छलफल भएको थियो ।
उपाध्यक्ष भण्डारीले संविधान र कानूनले दिएको अधिकारभित्र रहेर कानून निर्माणमा प्रभावकारी भूमिका निर्वाह गर्ने बताएकी थिइन् ।
उनले मुलुकले हासिल गरेका उपलब्धिलाई संस्थागत गर्न प्रदेशको भूमिका महत्वपूर्ण रहेको बताउँदै प्रदेशको सफलता नै संघीय लोकतान्त्रिक गणतन्त्रको सफलता हुने धारणा राखिन् ।
भेटवार्ता संवैधानिक पदाधिकारीहरूबीच समन्वय र सहकार्यलाई थप मजबुत बनाउने उद्देश्यले केन्द्रित रहेको जनाइएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया