प्रिमियर लिग : फुलह्याममाथि आर्सनलको सहज जित

काठमाडौँ । आर्सनलले जारी प्रिमियर लिग अन्तर्गत फुलह्याममाथि सहज जित हासिल गरेको छ ।

गएराती सम्पन्न खेलमा आर्सनलले फुलह्यामलाई ३-० गोल अन्तरले पराजित गरेको हो ।

आर्सनलको जितमा भिक्टोर ग्योकेरेजले २ गोल गरेका थिए भने बुकायो साकाले एक गोल गरेका थिए ।

यो जितपछि आर्सनलको ३५ खेलमा ७६ अंक रहेको छ र लिगमा शिर्ष स्थानमा कायम रहेको छ । त्यस्तै लिग उपाधिको दौडमा आर्सनललाई चुनौती दिइरहेको म्यानचेस्टर सिटीको भने ३३ खेलमा ७० अंक रहेको छ ।