सत्तारुढ नेकपाको सचिवालय बैठक आईतबार सम्मका लागि स्थगित

काठमाण्डौंः सत्तारुढ नेपाल कम्युनिष्ट पार्टी (नेकपा)को सचिवालय बैठक बस्दै नबसि स्थगित भएको छ । आज शनिबार अपरान्ह ४ बजेका लागि बोलाइएको बैठक स्थगित भएको एक नेताले जानकारी दिए ।

नेकपा अध्यक्ष पुष्पकमल दाहाल प्रचण्डले सचिवालय बैठक सरेको जानकारी नेताहरुलाई गराएका थिए । बिहीबार मात्रै सरकारले मुख्यसचिव र तीन देशमा राजदूत नियुक्त गरेपछि नेकपाभित्र बढेको विवाद साम्य पार्न बैठक डाकिएको बताईएको थियो ।

पछिल्लो समय प्रधानमन्त्री समेत रहेका अध्यक्ष केपी शर्मा ओलीले नियुक्ति गर्दा स्थायी समितिको भावना विपरित नियुक्ति गरेको भन्दै सोही पार्टीका अर्का अध्यक्ष दाहालसहित वरिष्ठ नेताद्वय झलनाथ खनाल र माधवकुमार नेपाल, उपाध्यक्ष वामदेव गौतम र प्रवक्ता नारायणकाजी श्रेष्ठले सरकारको काम कार्वाही प्रति बैठकमा चर्को असन्तुष्टि राख्ने तयारी गरेपछी  बैठक स्थगित हुनुलाई अर्थपूर्ण रुपमा हेरिएको छ । स्थगित बैठक आइतबार पुनः  ४ बजे बस्ने तय भएको छ ।