दोस्रो राष्ट्रिय महिला फुटबल: सेमीफाइनल समीकरण पूरा

रूपन्देहौ । घानाकी विदेशी खेलाडी लुसिया जेम्सको डबल ह्याट्रिक र क्विनवेलको ह्याट्रिकमा संकटा क्लब काठमाडौले गत वर्षको विजेता कपिलवस्तु-११ लाई ११-१ गोलले पराजित गरेको छ ।

संकटाको यो जितसंगै बुटवलमा जारी दोस्रो राष्ट्रिय महिला फुटबल प्रतियोगिता–२०८३ को सेमीफाइनल समीकरण पूरा भएको छ । प्रतियोगिता अन्तरगत मंगलवार संकटा र कपिलवस्तुवीच पहिलो चरणको अन्तिम खेल सम्पन्न भएको हो ।

एकतर्फि खेलमा संकटा क्लब काठमाडौँले कपिलवस्तु-११ लाई पराजित गर्यो । संकटा यो जितसंगै सेमीफाइनलमा प्रवेश गरेको छ । संकटाले सेमीफाइनलमा बैशाख ३१ गते अभिषेक चर्च, नवलपुरसंग फाइनल प्रवेशका लागि खेल्ने छ । चर्च आयोजक विस पचहत्तर युवा परिवार, बुटवललाई पराजित गरी सेमीफाइनलमा प्रवेश गरेको हो ।

यसैगरि बैशाख ३० गते हुने अर्को सेमीफाइनल नेपाल पुलिस क्लब र गत वर्षको विजेता ट्रिनिटी क्लब, बालिङ्कावीच हुने छ ।

पुलिसले हेटौडा फुटवल एकेडेमीलाई र ट्रिनिटीले पद्मा स्पार्टस, ओखलढुङ्गालाई हराउदै सेमीफाीनल पुगेका हुन ।

मंगलबार सिद्धेश्वर खेलमैदानमा भएको खेलमा संकटाले कपिलवस्तुमाथि सहज जित निकालेको हो । घानाका ३ विदेशी खेलाडी सहभागी गराएको संकटाले खेलमा सुरुवातदेखि नै आक्रमक खेल खेलेको थियो । संकटाका लागि घानाकि लुसिया जोसेले खेल सुरु भएको पाचौ मिनेटमा पहिलो गोल गरिन । पहिलो गोल खाएको दोस्रो मिनेटमा कपिलवस्तुकि प्रतिमा जर्घामगरले गोल गरि खेल १-१ होलकों बराबरी बनाएकि थिईन । तर संकटाले आक्रमक खेल खेल्दै लुसियाले पहिलो हाफमै ४ गोल गर्न पुकिन । दोस्रो हाफमा थप ३ गोल गर्दै दोस्रो ह्याट्रिक पुरा गरेकि थिईन ।

यसैगरि संकटाकि अर्कि विदेशी खेलाडी क्विनवेलले ४ गोल गरिन । संकटाकातर्फबाट खेलको दोस्रो हाफमा ६ गोल भएको थियो । खेलमा डबल ह्याट्रिक गर्दै उत्कृष्ट प्रदर्शन गरेकी संकटाकी लपसियाँ जोसे ‘प्लेयर अफ द म्याच’ घोषित भइन् ।

प्रतियोगिताको विजेताले दुई लाख ५० हजार रुपैयाँ तथा उपविजेताले एक लाख २५ हजार रुपैयाँ पुरस्कार प्राप्त गर्नेछन् । प्रतियोगिताको उत्कृष्ट खेलाडीलाई २५ हजार रुपैयाँ तथा विभिन्न विधाका उत्कृष्ट खेलाडीलाई जनही १० हजार रुपैयाँ प्रदान गरिने आयोजकले जनाएको छ । प्रत्येक खेलको ‘प्लेयर अफ द म्याच’ घोषित खेलाडीले पाँच हजार रुपैयाँ नगद प्राप्त गर्नेछन् ।

प्रतियोगिताको फाइनल खेल जेठ २ गते हुने आयोजक संस्था विस पचहत्तर युवा परिवारका अध्यक्ष सुरेन्द्र थापाले जनाएका छन । प्रतियोगितामा आठ टोलीको सहभागिता रहेको थियो ।