प्रदेश ५ को राजधानी दाङ राख्ने निर्णय बिरुद्ध आईतबार रुपन्देही बन्दको घोषणा

काठमाण्डाैंः प्रदेश ५ को स्थायी राजधानी दाङको भालुवाङमा राख्ने प्रदेशसभाको प्रस्तावको विरोधमा नेपाली काँग्रेसले आन्दोलनको घोषणा गरेको छ ।

शनिबार बुटवलका नेपाली काँग्रेस र बुटवलमा क्रियाशिल विभिन्न संघ संस्थाका प्रतिनिधीहरुको भेलापछि आन्दोलनका कार्यक्रम घोषणा गरिएको नेपाली काँग्रेस क्षेत्र नम्बर २ रुपन्देहीका सभापति हरि लम्सालले बताए ।

आन्दोलनका कार्यक्रम अनुसार शनिबार साँझ नै राँके जुलुस निकालिएको छ । आइतबार भोलि रुपन्देही बन्दको घोषणा गरिएको छ । यस्तै १९ गते प्रदेशसभा घेराउको कार्यक्रम राखिएको छ ।

प्रदेश ५ को स्थायी राजधानी दाङ राख्ने प्रस्तावसँगै नेपाली काँग्रेसले विरोध गरेका हो ।