असार २२, २०८३ सोमबार
July 6, 2026
युग खबर
२०८३ असार २२, सोमबार
काठमाडौँ, २२ असारः अर्थमन्त्री डा स्वर्णिम वाग्ले र एसियाली विकास बैंक (एडिबी) का अध्यक्ष मासातो कान्डाबीच सहकार्यका विविध क्षेत्र र बैंकले उपलब्ध गराइरहेको सहयोगलगायतका विषयमा छलफल भएको छ ।
सिंहदरबारस्थित अर्थ मन्त्रालयमा आज भएको भेटमा अर्थमन्त्री डा वाग्लेले नेपालको विकासका लागि बैंकका तर्फबाट प्राप्त सहयोग र लगानी परिचालनका लागि अध्यक्ष कान्डालाई धन्यवाद दिनुभयो । उहाँले आगामी दिनमा समेत निरन्तर सहयोगका लागि आग्रह गर्नुभएको थियो ।
अर्थमन्त्री डा वाग्लेसँगको भेटमा अध्यक्ष कान्डाले नेपालको विकासका लागि बैंकको तर्फबाट उच्च प्राथमिकताका साथ सहयोग उपलब्ध गराइने प्रतिबद्धता व्यक्त गर्नुभएको अर्थमन्त्रीको सचिवालयले जनाएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया