९ अर्ब बाँडेर खाएको प्रमाण देखाउन बाबुरामलाई काँग्रेसको चुनौती

काठमााडौंः नेपाली काँग्रेसले डा. बाबुराम भट्टराइको भनाइप्रति गम्भीर ध्यानाकर्षण भएको जनाएको छ । पार्टीका प्रवक्ता विश्वप्रकाश शर्माले आइतबार एक विज्ञप्ती जारी गर्दै ९ अर्ब बाँडिचुँडि खाएको प्रमाण देखाउन चुनौती दिएका हुन् ।

पूर्वप्रधानमन्त्री समेत रहेका जनता समाजवादी पार्टीका नेता भट्टराइले केहि दिनअघि गोरखामा आयोजित एक कार्यक्रममा बोल्दै बुढीगण्डकीमा बहालवाला प्रधानमन्त्री केपी शर्मा ओली सहित सहित पूर्व प्रधानमन्त्रीहरु पुष्पकमल दाहाल प्रचण्ड र शेरबहादुर देउवाले ९ अर्ब रुपैयाँ बाँडेर खाएको आरोप लगाएका थिए ।

त्यसको प्रमाण दिन समेत आफू तयार रहेको उनले बताएका थिए । सोहि अभिब्याक्तिलाइ लिएर काँग्रेसले भट्टराइलाइ चेतावनी दिएको हो ।