श्रावण २, २०८२ शुक्रबार
July 18, 2025
युग खबर
२०७७ असोज २८, बुधबार
काठमाडौंः सत्तारुढ दल नेपाल कम्युनिष्ट पार्टी (नेकपा)ले बुढी गण्डकी जलविद्युत आयोजनाबारे पूर्व प्रधानमन्त्री डा. बाबुराम भट्टराईले दिएको अभिब्यक्ति प्रमाणित गर्न चुनौती दिएको छ ।
बुधबार नेकपाका प्रवक्ता नारायणकाजी श्रेष्ठले बुधबार एक विज्ञप्ति जारी गर्दै डा. भट्टराईको अभिव्यक्ति आधारहीन, झुठ, कपोलकल्पित एवं दूरासयपूर्ण रहेको उल्लेख गरेका छन् ।
प्रधानमन्त्री केपी शर्मा ओली र पार्टी अध्यक्ष पुष्पकमल दाहाल प्रचण्डले घुस लिएको भन्ने प्रमाण पेश गर्न चुनौती समेत दिएको हो ।
केही दिनअघि मात्रै गृहजिल्ला गोरखामा आयोजित एक कार्यक्रमलाइ सम्बोधन गर्दै भट्टराईले प्रधानमन्त्री ओली र अध्यक्ष प्रचण्डका साथै कांग्रेस सभापति शेरबहादुर देउवाले बुढीगण्डकी परियोजना सम्झौताका क्रममा ९ अर्ब रुपैयाँ घुस लिएको प्रमाण आफूसँग रहेको र आवश्यक परे पुष्टि गर्ने बताएका थिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया