श्रावण २, २०८२ शुक्रबार
July 18, 2025
युग खबर
२०७७ असोज ३०, शुक्रबार
काठमाण्डाैंः नेपाली कांग्रेसले बैतडीको सुर्नया गाउँपालिका अध्यक्ष बीरबहादुर बिष्टमाथि कुटपिट गर्नेलाई कडा कारवाही गर्न माग गरेको छ ।
गाउँपालिका केन्द्रको विषयमा भएको विवादमा अध्यक्ष बिष्टमाथि बुधबार ढुंगा प्रहार भएको बिषयमा कांग्रेस मुख्यसचिव कृष्णप्रसाद पौडेलले जारी गरेको विज्ञप्तीमा ‘गाउँपालिकाको मुकामको सामान्य बिषयलाई लिएर जनप्रतिनिधिमाथि गरेको कुटपिटको यो घटनामा संलग्न व्यक्तिहरूको तत्काल खोजी गरी कडाभन्दा कडा कानुनी कारवाही गर्न कांग्रेस सरकारसँग माग गर्दछ ।’ भनिएको छ ।
अध्यक्ष बिष्टको टाउकोमा चोट लागेको थियो । गाउँपालिकामा लगाएको ताला खोल्न गएका बेला अध्यक्ष बिष्टमाथि ढुंगा प्रहार भएको थियो । गाउँपालिका केन्द्र पबितामा सार्न खोजेको भन्दै स्थानीय बासिन्दाले गाउँपालिकामा तालाबन्दी गरेका थिए ।
यस घटनामा अध्यक्ष बिष्टसहित ५ जना प्रहरी पनि घाइते भएका थिए । उनीहरूको अवस्था सामान्य छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया