श्रावण २४, २०८३ आइतबार
August 9, 2026
न्युज डेस्क
२०७६ असोज १९, आइतबार
काठमाण्डौः टि–ट्वान्टी क्रिकेट सिरिज अन्तर्गत पहिलो खेलमा नेपालले हङकङलाई चार विकेटले पराजित गरेको छ ।
ओमानको अल अम्रेट क्रिकेट मैदानमा जारी पाँच राष्ट्र सहभागि भएको खेलमा हङकङले नेपाललाई १ सय २६ रनको सामान्य लक्ष्य दिएको थियो । नेपालले टस जितेर फिल्डिङ रोजेपछि पहिला व्याटिङ गरेको हङकङले निर्धारित २० ओभरमा ६ विकेटको क्षतिमा १ सय २५ रन बनाएको थियो ।
हङकङका लागि वाकस बार्कटले ३७, किन्चित शाहले ३१, निजाकत खानले २३ र एहसान अब्बासीले १३ बनाएका थिए । नेपालका लागि करण केसीले सर्वाधिक चार र अविनाश बोहोराले एक विकेट लिएका थिए । १ सय २६ रनको लक्ष्य पछ्याउँदै जवाफी व्याटिङमा उत्रेको नेपालले १९ ओभरमा ६ विकेटको क्षतिमा लक्ष्य पुरा गरेको थियो । नेपालका लागि विनोद भण्डारीले अर्ध शतक पुरा गरेका थिए ।
४८ बलको सामना गरेका उनले चार चौका र तीन छक्काको मद्दतमा ५८ रन बनाए । आरिफ शेखले २१, सोमपाल कामीले १३ र पवन सरार्फले १० रन जोडेका थिए । हङकङका नसरुल्ला राना र क्याल क्रिष्टिाइले दुई दुई विकेट लिएका थिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया