आयरल्याण्डसँग भएको टेष्ट म्याचमा नेपाल पराजित

काठमाण्डौः पाँच देशीय टी–ट्वान्टी टेष्ट खेलमा नेपाल आयरल्याण्डसँग पराजित भएको छ । बुधबार भएको तेस्रो खेलमा नेपाल आयरल्याण्डसंग १३ रनले पराजित भएको हो । १ सय ४६ रनको लक्ष्य पछ्याएको नेपाल एक बल बाँकी छँदै १ सय ३२ रनमा समेटिन पुग्यो ।

सुरुमा ब्याट्सम्यानले राम्रो गरेको भएपनि आरिफ शेखले २६ रन बनाएको ईनिङ्समा ओपनरद्वय पारस खड्काले २५ र ईशान पाण्डेले २२ रन बनाएका थिए ।

त्यस्तै पारस खड्काले २५ रन र दिपेन्द्र सिंह ऐरीले १९ रन बनाए । तर मध्य र तल्लो क्रमका ब्याट्सम्यानले दोहोरो अंकको स्कोर समेत छुन नसकेपछि नेपाल पुन आयरल्याण्डसँग हार्न पुगेको हो ।

आयरल्याण्डका जर्ज डोकरेलले सर्वाधिक ३ विकेट लिएका थिए । यसैगरी आयरल्याण्डका लागि ओपनर पाउल स्टर्लिङले सर्वाधिक ५९ रन बनाएका थिए ।  यसअघि टस जितेर पहिलो ब्याटिङ गरेको आयरल्याण्डले निर्धारित ओभरमा ८ विकेट गुमाएर १ सय ४५ रन बनाएको थियो ।

नेपाललाई हराएपश्चात आयरल्याण्ड खेल तालिकाको शीर्ष स्थानमा उक्लिएको छ । उसले चार खेलबाट ६ अंक जोडेको छ । नेपाल २ खेलबाट ४ अंक सहित तालिकाको तेस्रो स्थानमा यथावत छ ।