कार्तिक ७, २०८३ शनिबार
October 24, 2026
युग खबर
२०८३ कार्तिक ७, शनिबार
काठमाण्डाै । आज पनि दशैँको टीका लगाउने क्रम चलिरहेको छ ।
विजयादशमीका दिन टीका थाप्न नभ्याएका आफन्त तथा चेलीबेटीका लागि कोजाग्रत पूर्णिमासम्म मान्यजनबाट टीका, जमरा र आशीर्वाद थाप्ने परम्परा नेपाली समाजका धेरै ठाउँमा रहिआएको छ ।
दशैँको मुख्य दिन घर पुग्न नसकेका छोरीचेली, आफन्त तथा टाढा रहेका परिवारका सदस्यहरू यस अवधिमा टीका थाप्न आउने गर्छन् । त्यसैले विजयादशमीपछि पनि घरघरमा टीका लगाउने र आफन्तसँग भेटघाट गर्ने क्रम जारी रहन्छ ।
आज काठमाण्डाै उपत्यकामा टीका लगाउन आवतजावत गर्नेहरूको संख्या अत्यधिक देखिएको छ ।
दशैँ मनाउन गाउँघर गएकाहरू फर्किएसँगै उनीहरू यहाँ रहेका आफन्तकोमा टीका लगाउन जाने भएकाले सडकमा टीका लगाएर आवतजावत गर्नेहरूको भीड देखिएको हो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया