असार २०, २०८२ शुक्रबार
July 4, 2025
न्युज डेस्क
२०७६ असोज २२, बुधबार
काठमाण्डौः बजाज मोटरसाइकल ईन्डियाले अक्टोबर १६ अर्थात असोज २९ गते नयाँ मोडल लञ्च गर्ने भएको छ ।
२०१९ को अन्त्यसम्ममा भारतीय बजारमा इलेक्ट्रीक स्कुटर अर्वानाइट उतार्ने जनाएको कम्पनीले दिपावली अगाडि नै उक्त स्कुटर सार्वजनिक गर्न लागिएको भारतीय सञ्चारमाध्यमहरूले जनाएका छन् ।
भारतीय बजारमा नयाँ मोडल सार्वजनिक गर्न विभिन्न मिडियालाई आमन्त्रण गरिएको छ । तर, उक्त आमन्त्रणमा कुन नयाँ मोडल सार्वजनिक गर्न लागिएको हो भन्ने खुलाईएको छैन ।
कम्पनीले ल्याउन लागेको स्कुटर क्लासिक डिजाइनमा हुने छ भने, यसको हेडल्याम्प भेष्पाको जस्तो रहने छ । कर्भी एप्रोन र बल्की डिजाइनले स्कुटरलाई निकै आकर्षक देखाएको छ ।
यसमा दिइएको लिथिएम आयन व्याट्रीले करिब १०० किलोमिटरको माइलेज प्रदान गर्ने छ भने फुल डिजिटल इन्ट्रुमेन्ट कन्सोल दिइएको छ । यसमा रहेका हरेक फिचर मोवाइलबाट कन्ट्रोल गर्न सकिने बताइएको छ ।
बजाजले मिडियालाइ पठाएको निमन्त्रणा पत्रमा लेखिएको छ ‘हामीले इतिहास लेख्यौ अब भविष्य लेख्न गइरहेका छौँ ।’ उक्त आसयलाई केलाँउदा आउने नयाँ मोडल इलेक्ट्रीक हुने अनुमान सहजै लगाउन सकिन्छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया