मंग्सिर ५, २०८३ शनिबार November 21, 2026

आरोपित नै न्यायाधीश भएर उभिए पछि इरानी जुम्ल्याहा दिदीबहिनी छक्क

दुवै दिदीबहिनीलाई आवश्यक उपचार पाउनबाट वञ्चित गरिएको दाबी

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं, ५ मंसिर । सरकारविरोधी प्रदर्शनमा भाग लिएको आरोपमा जेल परेका दुई इरानी जुम्ल्याहा दिदीबहिनी न्याय खोज्न अदालतमा उपस्थित हुँदा आफूहरूलाई यातना र यौन दुर्व्यवहार गरेको आरोप लगाइएका अधिकारीसँगै आमनेसामने भएका छन्।

उनीहरूको गुनासो सुन्न तोकिएका न्यायाधीश नै ती अधिकारी रहेको पत्ता लागेको अमेरिकामा बस्ने उनीहरूका काकाले ‘फक्स न्युज डिजिटल’ लाई दिएको एक विशेष अन्तर्वार्तामा बताएका छन्।

तरानेह र रोमिना रहिमीका काका मसूद नूरमोहम्मदीले ती अधिकारी सुरुमा उनीहरूको सोधपुछमा संलग्न रहेको र पछि उनीहरूले ‘इस्लामिक रिभोलुसनरी गार्ड कोर्प्स’ (आईआरजीसी) विरुद्ध दायर गरेको उजुरीको सुनुवाइको अध्यक्षता समेत गरेको आरोप लगाए।

“उनीहरू भित्र पस्नेबित्तिकै आफूहरूलाई यातना दिने र यौन दुर्व्यवहार गर्ने व्यक्ति नै न्यायाधीशका रूपमा रहेको देखे,” नूरमोहम्मदीले भने। उनका अनुसार ती अधिकारीले उजुरीलाई तुरुन्तै खारेज गरिदिएका थिए।

नूरमोहम्मदीले भने, “मुद्दा तयार पार्ने क्रममा ती न्यायाधीश नै उनीहरूका अभियोजक (सरकारी वकिल) थिए। उनैले बालबालिकामाथि यौन दुर्व्यवहार गरेका थिए र अभियोजकको भूमिकामा रहँदा उनीहरूलाई यातना दिएका थिए; पछि त्यही मुद्दामा उनलाई न्यायाधीश तोकियो।”

हाल २१ वर्ष पुगेका ती जुम्ल्याहा दिदीबहिनीलाई इस्फाहानमा गत जनवरी महिनामा भएको सरकारविरोधी प्रदर्शन पछि पक्राउ गरिएको थियो। ‘ह्युमन राइट्स एक्टिभिस्ट्स न्युज एजेन्सी’ (एचआरएएनए) का अनुसार तरानेहलाई मृत्युदण्ड र थप ११ वर्षको जेल सजाय सुनाइएको छ भने रोमिनालाई ३६ वर्षको जेल सजाय दिइएको छ। १६ जना प्रतिवादी संलग्न रहेको ‘शोहादा स्क्वायर’ नामक मुद्दामा यो फैसला सुनाइएको हो।

नूरमोहम्मदीका अनुसार ती दिदीबहिनीको कानुनी अवस्था झन्झन् अनिश्चित र जोखिमपूर्ण बन्दै गएको छ। उनीहरूका एक वकिल पक्राउ परेका छन् भने अर्का वकिलले मुद्दाबाट नाम फिर्ता लिएका छन्। त्यसपछि फौजदारी फैसलाविरुद्ध पुनरावेदन (अपिल) अघि बढाउन परिवारले नयाँ वकिलको व्यवस्था गरेको छ। उनले उनीहरूको स्वास्थ्य अवस्थाबारे चिन्ताजनक नयाँ जानकारी पनि दिएका छन्।

नूरमोहम्मदीले भने, “उनीहरूसँगै एउटै जेलमा रहेकी अर्की कैदीबाट हामीले भर्खरै थाहा पायौँ कि ती युवतीहरूलाई बान्ता हुने गरेको छ र राति रगत समेत बान्ता गर्ने गरेका छन्।” उनले तरानेहलाई यातना दिइएका कारण उनी हिँड्न नसक्ने अवस्थामा पुगेको तथा दुवै दिदीबहिनीलाई आवश्यक उपचार पाउनबाट वञ्चित गरिएको दाबी गरे।

इरानमा सरकारविरोधी राष्ट्रव्यापी प्रदर्शनका क्रममा पक्राउ परेका व्यक्तिलाई मृत्युदण्ड दिने गरिएको विषयलाई लिएर अन्तर्राष्ट्रिय स्तरमा चिन्ता बढिरहेका बेला उनीहरूको मुद्दा चर्चामा आएको हो। न्यूजकारखाना

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
आरोपित नै न्यायाधीश भएर उभिए पछि इरानी जुम्ल्याहा दिदीबहिनी छक्क
२०८३ मंग्सिर ५, शनिबार
तरकारी खेतीबाट वार्षिक २५ लाख आम्दानी
२०८३ मंग्सिर ५, शनिबार
स्वस्थ रहन कुन उमेर समूहले कति समय सुत्नु पर्छ ? जान्नुहोस्
२०८३ मंग्सिर ५, शनिबार
ट्रम्पको इरानसम्बन्धी सैन्य अधिकार सीमित गर्ने प्रस्ताव सिनेटबाट अस्वीकृत
२०८३ मंग्सिर ५, शनिबार
नेपाललाई वैदिक ज्ञान र धार्मिक पर्यटनको केन्द्र बनाउनुपर्छ : स्वामी कमलनयनाचार्य
२०८३ मंग्सिर ५, शनिबार
विश्व पारा तेक्वान्दोमा दीपेश महतले जिते रजत पदक, १२ वर्षपछि दोहोरियो सफलता
२०८३ मंग्सिर ५, शनिबार
भीमफेदी कारागारबाट भागेका लागूऔषध मुद्दाका कैदी पक्राउ
२०८३ मंग्सिर ५, शनिबार