मंग्सिर ४, २०८३ शुक्रबार November 20, 2026

ट्रम्प र बाइडेन दुवै समुहद्वारा अमेरेिकामा प्रदर्शन

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः डेमोक्रयाट उम्मेदवार जो बाइडेनको पक्षमा पर्ने सम्भावना देखिएसँगै अमेरिकाका केही सहरहरूमा विरोध प्रदर्शन सुरु भएका छन् । कुनै स्थानमा ट्रम्पका समर्थकहरूले मतगणना रोक्न माग गरेर प्रदर्शन गरेका छन् भने केही स्थानमा बाइडेनका समर्थकले मतगणना गर्न दबाब दिन प्रदर्शन गरेका छन् ।

एरिजोनाको मेरिकोपा काउन्टीमा मतगणना केन्द्रमा रिपब्लिकन पार्टीका समर्थकहरू जम्मा भएका बीबीसीले जनाएको छ । उक्त स्थानमा ट्रम्पलाई परेका मतहरू नगनिएको भन्ने खबर सामाजिक सञ्जालमा सार्वजनिक भएसँगै उनीहरू त्यहाँ जम्मा भएका हुन् । स्थिति असामान्य हुने आकलनसँगै ठूलो संख्यामा प्रहरी परिचालन गरिएको भए पनि मतगणना भने रोकिएको छैन ।

ओरिगन राज्यको पोर्टल्यान्डमा ट्रम्पविरोधी प्रदर्शन हिंसात्मक भएपछि नेसनल गार्ड परिचालन गरिएको जनाइएको छ । केही प्रदर्शनकारीहरू तोडफोडमा उत्रिएपछि थप सुरक्षा बल खटाइएको छ । मिनिसोटा राज्यको मिनियापोलसिमा प्रहरीले मुख्य सडकमा अवरोध गरेका दुई सयभन्दा बढी प्रदर्शनकारीलाई नियन्त्रणमा लिएको जनाएको छ । पक्राउ परेकाहरू अधिकांश ट्रम्पविरोधी हुन् । त्यसैगरी, न्युयोर्क, फिलाडेल्फिया, सिकागोलगायत सहरमा पनि विरोध प्रदर्शन गरिएका छन् । मिसिगन राज्यको डेट्रोइट सहरमा ट्रम्प समर्थक प्रदर्शनकारीले मतगणना केन्द्रको झ्यालमा हान्दै मतगणना रोक्न माग गरेको जनाइएको छ । नेभाडा राज्यमा पनि बिहान पत्रकार सम्मेलनका क्रममा एक प्रदर्शनकारी क्यामेराका अगाडि आएर बाइडेनले निर्वाचनमा धाँधली गरेका र अमेरिकी सञ्चारमाध्यमले त्यसलाई ढाकछोप गरेको आरोप लगाएका थिए ।

‘विदेशी चलखेल प्रमाण छैन’

अमेरिकी राष्ट्रपतीय चुनाव तथा मतगणनामा अहिलेसम्म विदेशी शक्तिले कुनै चलखेल गरेको प्रमाण नभएको गृह मन्त्रालयका प्रमुख साइबर सुरक्षा अधिकारीले बताएका छन् ।

क्रिस्टोफर क्रेब्सले एक विज्ञप्ति जारी गर्दै ‘कुनै विदेशी शक्तिले अमेरिकी नागरिकलाई मतदान गर्न रोक्ने वा मतगणना परिवर्तन गर्ने क्षमताको प्रमाण’ नभएको पुष्टि गरेका हुन् । अमेरिकी जासुसी संस्थाहरूले सन् २०१६ को निर्वाचनमा रुसले चलखेल गर्न खोजेको निष्कर्ष निकालेका थिए । ‘हामी अहिले भइरहेको मतगणना र नतिजा प्रमाणीकरणसम्म कुनै बाधा नआओस् भनेर चनाखो रहनेछौं,’ क्रेब्सले भनेका छन् ।

बाइडेनले खोले संक्रमणकालीन वेबसाइट

अमेरिकामा नयाँ राष्ट्रपति चयनका लागि नोभेम्बर ३ मा निर्वाचन भए पनि विजयी उम्मेदवारले जनवरी २० मा शपथग्रहण गर्छन् । निर्वाचित भएदेखि पदभार नसम्हालेसम्म राष्ट्रपति निर्वाचित उम्मेदवारले ‘संक्रमणकालीन टोली’ बनाउने अभ्यास छ ।

यस वर्षको चुनावी नतिजा सार्वजनिक हुने क्रम जारी छ । हालसम्म जो बाइडेन वा डोनाल्ड ट्रम्पमध्ये कोही पनि स्पष्ट विजेताका रूपमा अगाडि आएका छैनन् । आफू विजयतर्फ उन्मुख भएको भन्ने दुवै उम्मेदवारको दाबी छ ।

डेमोक्रयाट उम्मेदवार बाइडेनको टोलीले भने नयाँ वेबसाइट नै सुरु गरिसकेको छ । ‘अमेरिकाले महामारीदेखि आर्थिक मन्दी, जलवायु परिवर्तनदेखि जातीय अन्यायको गम्भीर संकट सामना गरिरहेको छ । संक्रमणकालीन टोलीले पूर्ण गतिमा तयारी गरिरहेको छ । जसले गर्दा बाइडेन–ह्यारिस प्रशासनले पहिलो दिनदेखि नै काम गर्न सकोस्,’ वेबसाइटमा भनिएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
मधेशमा सरकार गठनका लागि दलहरूबीच रस्साकस्सी, जसपाले माग्यो ठूलो दलको हैसियतमा नेतृत्व
२०८३ मंग्सिर ४, शुक्रबार
इरानको अमेरिकालाई चेतावनी: सर्त मान, नत्र युद्धको सामना गर
२०८३ मंग्सिर ४, शुक्रबार
एमाले हार्नका लागि जन्मिएको पार्टी होइन, फेरि जित्छौँ : अध्यक्ष ओली
२०८३ मंग्सिर ४, शुक्रबार
Minister Mehta emphasizes curbing indiscriminate use of Antimicrobial drugs
२०८३ मंग्सिर ४, शुक्रबार
युक्रेनलाई नेटोसरह सुरक्षा ग्यारेन्टी दिन रुस सहमत हुने कुशनरको विश्वास
२०८३ मंग्सिर ४, शुक्रबार
Political parties consulted on chances of simultaneous elections
२०८३ मंग्सिर ४, शुक्रबार
सुशासन र आर्थिक रुपान्तरणबाट मुलुकमा समृद्धि आउँछ: अर्थमन्त्री वाग्ले
२०८३ मंग्सिर ४, शुक्रबार