मंग्सिर ५, २०८३ शनिबार November 21, 2026

एक वर्षपछि प्रतियोगिता खेल्दै नेपाली फुटबल टोली

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः नेपाली राष्ट्रिय फुटबल टोली एक वर्षपछि आज प्रतियोगिता खेल्दै छ। राष्ट्रिय फुटबल टोलीले आज साँझ ढाकामा बङ्‍गलादेशसँग मैत्रीपूर्ण खेल खेल्न लागेको हो।

उक्त खेल नेपाली समयअनुसार साँझ पौने पाँच बजे हुने अखिल नेपाल फुटबल सङ्‍घ (एन्फा) ले जनाएको छ। नेपालले गत वर्षको नोभेम्बरमा विश्वकप छनोटअन्तर्गत कुवेतसँग फुटबल खेलेको थियो। नेपाल सो खेलमा कुवेतसँग १-० गोलले पराजित भएको थियो।

कोरोना भाइरसको महामारीका कारण त्यसपछि नेपालले कुनै पनि प्रतियोगिता खेल्न सकेको थिएन। महामारीकै बीच बङ्‍गलादेशले नेपाललाई दुई मैत्रीपूर्ण खेलका लागि निम्तो दिएको हो।

नेपाल र बङ्‍गलादेशबीच अर्को मैत्रीपूर्ण खेल आगामी मङ्सिर २ गते हुने छ। दुवै देश सन् २०१८ को सेप्टेम्बरमा साफ च्याम्पियनसिपमा भिडेका थिए। उक्त प्रतियोगितामा नेपालले बङ्‍गलादेशलाई २-० गोलले पराजित गरेको थियो।

फिफा विश्वकप छनोटको दोस्रो चरण खेलिरहेको नेपालले त्यसको तयारीका लागि बङ्‍गलादेशसित मैत्रीपूर्ण खेल खेल्न लागेको हो। बङ्‍गलादेशसँगको मैत्रीपूर्ण खेलका लागि नेपाली राष्ट्रिय फुटबल टोलीका खेलाडीसहित ३४ जनाको टोली हाल बङ्‍गलादेशको ढाकामा रहेको छ। रासस

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया