मंग्सिर ४, २०८३ शुक्रबार November 20, 2026

अर्मानिया अजरबैजानबीच पुनः झडप, चार सैनिक मारिए

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः अजरबैजान र अर्मानियाबीच नागोर्नो काराबाख क्षेत्रको युद्ध समाप्त भएपछि यो महिनामा पहिलो पटक पुनः झडप भएको छ ।

फौजले दुई पहाडी गाउँलाई घेराबन्दी गरेको थियो जहाँ अर्मानियाका लडाकूले डेरा जमाएका थिए । यद्यपि, रुसका शान्ति सैनिकले त्यहाँ पुगेर स्थिती नियन्त्रणमा लिए ।

अजरबैजानका रक्षा मन्त्रालयले यो झडपमा उसका चार सैनिक मारिएको बीबीसीले जनाएको छ । अर्कोतर्फ, अर्मानियाली पक्षले अजरबैजानको कारवाहीमा उसका ६ लडाकू घाइते भएको बताएका छन् ।

अजरबैजान–अर्मानियाबीच यो झडप नागोर्नो–काराबाखको दक्षिणी इलाकाको दुई गाउँमा भएको हो । अजेरी भाषामा यी गाउँलाई चाइलाक्काला र क्योना ताखलर भनिन्छ जबकि अर्मानियाली लवजमा यसको नाम खत्साबेर्ड र खिन ताखेर हो ।

१० नोभेम्बरमा जब दुई देशबीच युद्ध समाप्त भएको थियो तब अर्मानियाली सैनिकको एक टुकडी यी दुई गाउँमा बसिरहेको थियो । तर यस वरिपरिका इलाका कि त सुनसान पहाड हुन् वा अजेरी फौजको नियन्त्रणमा रहेको इलाका हुन् ।

चाइलाक्काला यी इलाका हुँदै गुज्रेन एक पहाडी सडकको किनारामा बसेको गाउँ हो र क्योना ताखलर यसको ठिक नजिकको गाउँ हो । यो सडकको पूर्व र पश्चिम दुबै छोर अब अजरबैजानको नियन्त्रण भएको इलाका हो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
मधेशमा सरकार गठनका लागि दलहरूबीच रस्साकस्सी, जसपाले माग्यो ठूलो दलको हैसियतमा नेतृत्व
२०८३ मंग्सिर ४, शुक्रबार
इरानको अमेरिकालाई चेतावनी: सर्त मान, नत्र युद्धको सामना गर
२०८३ मंग्सिर ४, शुक्रबार
एमाले हार्नका लागि जन्मिएको पार्टी होइन, फेरि जित्छौँ : अध्यक्ष ओली
२०८३ मंग्सिर ४, शुक्रबार
Minister Mehta emphasizes curbing indiscriminate use of Antimicrobial drugs
२०८३ मंग्सिर ४, शुक्रबार
युक्रेनलाई नेटोसरह सुरक्षा ग्यारेन्टी दिन रुस सहमत हुने कुशनरको विश्वास
२०८३ मंग्सिर ४, शुक्रबार
Political parties consulted on chances of simultaneous elections
२०८३ मंग्सिर ४, शुक्रबार
सुशासन र आर्थिक रुपान्तरणबाट मुलुकमा समृद्धि आउँछ: अर्थमन्त्री वाग्ले
२०८३ मंग्सिर ४, शुक्रबार