जेठ १८, २०८० बिहिबार
June 1, 2023
न्युज डेस्क
२०७६ कार्तिक १७, आइतबार
काठमाडौं । त्रिभुवन विश्वविद्यालयको उपकुलपतिमा डा. धर्मकान्त बाँस्कोटा नियुक्त भएका छन् । प्रधानमन्त्री तथा कुलपति केपी शर्मा ओलीले आइतबार डा. बाँस्कोटालाई नियुक्त गर्ने निर्णय गरेको हो।
शिक्षा, विज्ञान तथा प्रविधिमन्त्रीमन्त्री गिरिराजमणि पोखरेल नेतृत्वको छनोट समितिले उपकुलपतिका लागि डा. भगवान कोइराला, डा. बाँस्कोटा, र डा. चन्द्रमणि पौडेलको नाम सिफारिस गरेको थियो। डा. कोइरालालाई सरकारले आइतबारै मेडिकल काउन्सिल अध्यक्षमा नियुक्त गरेको छ।
यसअघि मेडिकल काउन्सिल अध्यक्ष पनि रहिसकेका डा. बाँस्कोटा प्रधानमन्त्रीनिकट मानिन्छन्। त्यसैले उनी उपकुलपति बन्ने अनुमान गरिँदै आएको थियो ।
यससँगै डा. बाँस्कोटा त्रिविको १९ औं उपकुलपति बनेका छन् । नाक, कान, घाँटीविशेषज्ञ बाँस्कोटा राष्ट्रपति विद्यादेवी भण्डारीका निजी चिकित्सक समेत हुन्।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया