मंग्सिर १, २०८२ सोमबार
November 17, 2025
न्युज डेस्क
२०७६ कार्तिक २९, शुक्रबार
काठमाडौं । एनआईसी एसिया बैंक लिमिटेडले विगत विभिन्न आर्थिक वर्षहरुमा वितरण गरेको लाभांश रकम हालसम्म नबुझेका सेयरधनीलाई लाभांश लिन आग्रह गरेको छ।
बैंकले शुक्रबार लाभांश लिन बाँकी भए सो लाभांश रकमको पुर्जी बैंकको सहायक कम्पनी एनआईसी एसिया क्यापिटल लि. हनुमानस्थान, अनामनगर, काठमाडौंबाट प्राप्त गरी यथाशीघ्र आफ्नो खातामा जम्मा गर्न भनेको हो।
बैंकले भनेको छ, ‘लाभांश पुर्जी लिई सक्नुभएका सेयरधनी महानुभावहरुले समेत सो पूर्जी आफ्नो बैंक खातामा यथाशीघ्र जम्मा गर्न आग्रह गर्छौँ।’ लामो समयदेखि बुझिलिन बाँकी लाभांश रकम प्रचलित ऐन कानुनबमोजिम लगानीकर्ता संरक्षण कोषमा जम्मा हुने बैंकले जनाएको छ।
आव २०७५/७६ मा बैंकले घोषणा गरेको लाभांश रकम सम्बन्धित सेयरधनीहरुको खातामा बैंकले जम्मा गरिसकेको तथा डिम्याट खाता नभएका सेयरधनी महानुभावहरुको मात्रै लाभांश रकम जम्मा गर्न बाँकी रहेकोले यथाशीघ्र यस बैंक तथा बैंकको सहायक कम्पनीमा सम्पर्क राखी आफ्नो सेयर डिम्याट गराउन समेत बैंकले भनेको छ। समेत सम्पूर्ण सेयरधनी महानुभावहरुलाई यसै प्रेस विज्ञप्ती मार्फत् अनुरोध गरिएको छ ।
बैंकका अनुसार विभिन्न आर्थिक वर्षहरुमा बैंकले वितरण गरी हालसम्म सेयरधनी महानुभावहरुले बुझिलिन बाँकी भएका लाभांशको विवरण यस बैंकको वेबसाइटमा राखिएको तथा सो सम्बन्धमा विस्तृत विवरण एनआईसी एसिया क्यापिटलका कर्मचारी दामोदर रायमाझी (फोन नं. ०१५७०५९९४ एक्सटेन्सन नं. २०५) बाट प्राप्त गर्न सकिनेछ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया