हाम्रो पात्रोले ज्योतिष परामर्श सेवामा ३५ प्रतिशत छूट दिने

काठमाडौंः नेपालको लोकप्रिय एप हाम्रो पात्रोले नयाँ वर्ष २०७८ को उपलक्ष्यमा आफ्नो लोकप्रिय “हाम्रो अनलाइन ज्योतिष” परामर्श सेवामा ३५ प्रतिशत छूट दिने भएको छ । हाम्रो पात्रोले आफ्ना सेवाग्राहीहरुलाई हाम्रो पात्रोको एप तथा वेबसाइट दुवै प्लेटफर्ममार्फत यस्तो छूट दिने भएको हो ।

हाम्रो पत्रोसँग आवद्ध ख्याती प्राप्त ज्योतिष गुरुहरुबाट अनलाइनमार्फत आफूले चाहे अनुसारको परामर्श सेवा लिन सकिन्छ । प्रयोगकर्ताले ज्योतिषहरुसँग भिडिओ कुराकानी गरी आउँदो वर्षका लागि आवश्यक पामर्श प्राप्त गर्न सक्ने कम्पनीले जनाएको छ ।

हाम्रो पात्रोको यो सेवा निकै लोकप्रिय रहेको छ । सेवाग्राहीहरुले आफ्नो पढाई, व्यापार, जागिर, लगन लगायतका विषयमा ज्योतिषहरुसँग परामर्श लिँदै आएका छन् ।

यो छूट चैत्र ३० गते देखि २०७८ को वैशाख ५ सम्म लागु हुनेछ । हाम्रो पात्रोका अनुसार इच्छुक सेवाग्राहीले बिहान ५ देखि दिउँसो १ र बेलुका ७ बजेदेखि ९ बजेका बीचमा यो सेवा लिन सक्नेछन् ।

नयाँ वर्ष २०७८ बुधबारका दिन भने यो सेवा दिन भरका लागि उपलब्ध हुनेछ । अन्तर्राष्ट्रिय कार्डका साथै ई सेवा, कनेक्ट आईपीएस र खल्तीबाट यसको भुक्तानी गर्न सकिन्छ ।  यो सेवा सन्सारका जुनसुकै देशबाट लिन सकिने हाम्रोपात्रोले जनाएको छ ।- टेकपाना