काठमाण्डौंः पूर्वराजा ज्ञानेन्द्र शाह र पूर्वरानी कोमल शाहलाई कोरोना भाइरसको संक्रमण पुष्टि भएको छ। उनीहरु भारतको हरिद्वारमा कुम्भ मेलामा सहभागी भएर आइतबार मात्रै स्वदेश फर्केका थिए ।
शनिबार दिल्लीमा गरिएकाे पीसीआर परीक्षणमा नेगेटिभ रिपाेर्ट आएपछि शाह दम्पती आइतबार स्वदेश फर्केकाे बताईएको थियाे।
तर काठमाडाैँ पुगेपछि साेमबार पुन: गरिएकाे परीक्षणमा काेराेना संक्रमण पुष्टि भएकाे पूर्वराजाकाे सचिवालय श्राेतले जानकारी दिएकाे छ।
कुम्भ मेलामा सहभागी भएका भारतको उत्तर प्रदेशका मुख्यमन्त्री योगी आदित्यनाथलाई पनि कोरोना संक्रमण पुष्टि भएको थियो। आदित्यनाथ र पूर्वराजाबीच हरिद्वारमा भेट भएको थियो।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया