श्रावण २, २०८२ शुक्रबार
July 18, 2025
युग खबर
२०७८ बैसाख १०, शुक्रबार
काठमाण्डौंः हुम्लाको सदरमुकाम सिमकोटसहित आसपासका क्षेत्रमा विगत सात दिनदेखि अवरुद्ध इन्टरनेट सेवा शुक्रबार दिउँसोबाट सूचारु भएको छ ।
कालिकोट जिल्लाको महाबुलेखमा रहेको रिपिटर टावरमा खराबी आएपछि अबरुद्ध बनेको इन्टरनेट सेवा मर्मतपछि शुक्रबार दिउँसो तीन बजेबाट पुनः सञ्चालनमा आएको हो ।
शनिबार बेलुकाबाट अवरुद्ध भएको इन्टरनेट सेवा सञ्चालनमा आउँदा जिल्लामा सञ्चालित एक दर्जन बढी बैंक तथा बित्तीय संस्थालाई सहज भएको छ ।
महाबुलेखमा रहेको रिपिटर टावरमा पुगेको प्राविधिकको टोलीले रिपिटर टावरमा बिग्रिएको सामग्रही परिवर्तन गरेपछि आजबाट इन्टरनेट सेवा सञ्चालनमा आएको नेपाल टेलिकम हुम्लाका प्रमुख शिव भट्टराईले बताए ।
इन्टरनेट नहुँदा ७ दिनदेखि ठप्प रहेको जिल्लाका बैंक तथा वित्तीय संस्थाहरुको कारोबार ईन्टरनेट सेवा सूचारु भएसँगै सम्पुर्ण सेवाहरु सञ्चालनमा आएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया