डन्डिफोरको समस्या हुनेहरूले अनुहारलाई दिनको दुई–तीनपटक राम्रोसँग सफा गर्नुपर्छ । यदि अनुहार सफा भयो भने अनुहारका कोषहरूमा ऊर्जा पुग्छ ।
आफ्नो छालासुहाउँदो फेसवासको प्रयोग गर्नुपर्छ । गुलाब, स्याउबाट बनेका प्राकृतिक फेसवासको प्रयोग गर्दा राम्रो हुन्छ ।
नियमित छाला सफा गर्दा अनुहारमा रहेका धुलोका कणलाई हटाइदिन्छ । अनुहार सफा गर्ने नाउँमा बारम्बार सफा पनि गर्नु हुँदैन । यसले अनुहारलाई फुस्रो बनाइदिन्छ ।
डन्डिफोर कम गर्न नियमित रूपमा पर्याप्त पानी पिउने बानी बसाल्नुपर्छ ।
डन्डिफोरलाई हातले छुनुहुँदैन । हात फोहोर भएका वेला त झनै छुनु हुँदैन । यसले संक्रमण बढाउने सम्भावना हुन्छ ।
डन्डिफोर आएर हैरान पार्छ भने त्यस्ता युवायुवतीले बढी चिल्लो, पिरो र अमिलो खानु हुँदैन ।
डन्डिफोरले अति दुःख दियो भने छालाविज्ञलाई देखाउनुपर्छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
न्युज डेस्क
२०७६ मंग्सिर ९, सोमबार
प्रतिक्रिया