मुलुकमा कोरोना भाइरस महामारी चरम विन्दूमा रहेका बेला सरकारले कोभिड– १९ को नियन्त्रण तथा रोकथामका लागि हालै अध्यादेश ल्याएको थियो । पुनर्गठित सीसीएमसीमा प्रधानमन्त्रीको अध्यक्षतामा एक निर्देशक समिति रहने व्यवस्था छ । उक्त निर्देशक समितिको प्रमुख कार्यकारी अधिकृत (सिइओ) मा पूर्वरथी शर्मालाई नियुक्त गरिएको हो ।
शर्माको विगतको अनुभव
पूर्वरथी शर्मासँग विगतमा द्वन्द्व व्यवस्थापनका क्रममा नेपाली सेना र माओवादी लडाकुको समायोजन गर्न बनेको विशेष समितिको संयोजक भएर काम गरेको अनुभव छ । यसका साथै संयुक्त राष्ट्रसंघको शान्ति मिसनमा नेपालको तर्फबाट फोर्स कमान्डरको रुपमा समेत रहेर सफलतापूर्वक भूमिका निर्वाह गरिसकेको अनुभव उहाँसँग छ । उहाँकै नेतृत्वमा यसअघि सरकारले राष्ट्रिय प्रतिरक्षा विश्वविद्यालय निर्माण कार्य समेत अघि बढाएको थियो ।
उहाँको नेतृत्वमा कोरोना संक्रमण नियन्त्रणको योजना बनाउने र कार्यान्वयन गर्ने जिम्मेवारी परेपछि अब केही प्रभावकारी काम हुन्छ कि भन्ने अपेक्षा गरिएकाे छ ।
विशेष खालका मुद्दामा डिल गर्न विशेष एजेन्सी प्रभावकारी भएको अनुभवको आधारमा सीसीएमसी पुनर्गठन गरी अलग्गै प्रमुख कार्यकारीकाे व्यवस्था गरिएको सल्लाहकार भट्टराईले बताउनुभएकाे छ ।
निर्देशक समितिमा उपप्रधानमन्त्री तथा रक्षामन्त्री, गृह, सामान्य प्रशासन तथा संघीय मामिला, उद्योग वाणिज्य तथा आपूर्ति, स्वास्थ्य तथा जनसंख्या, अर्थ, कृषि, परराष्ट्र, ऊर्जा र पर्यटन मन्त्री सदस्य रहने व्यवस्था छ । प्रधानमन्त्री मातहत रहने निर्देशक समितिअन्तर्गत काम गर्ने गरी ‘कोभिड–१९ संकट व्यवस्थापन केन्द्र’ रहनेछ, जसकाे प्रमुखमा बाह्रौं तहका स्वास्थ्य सेवाका अधिकृत रहने व्यवस्था गरिएकाे छ ।
कोभिड विरुद्धकाे प्रतिकार्यमा नेपाली सेनाका उपरथी, सशस्त्र प्रहरी र नेपाल प्रहरीका अतिरिक्त महानिरीक्षक सदस्य रहने व्यवस्था छ । स्वास्थ्य आपतकाल घोषणा गरेर सेना परिचालन गर्नसक्ने सम्मको अधिकार समेत उक्त समितिलाइ दिइएको छ ।
खुम्चियो पोखरेलको भूमिका


प्रतिक्रिया