कोपा अमेरिका फुटबलमा ब्राजिलले सहभागिता जनाउने

काठमाडौंः कोपा अमेरिका फुटबलमा ब्राजिलले सहभागिता जनाउने भएको छ । घरेलु मैदानमा आयोजना हुने प्रतियोगिताका लागि ब्राजिलले सहभागिता जनाउने लगभग पक्का भएको हो ।

खेलाडीहरू प्रतियोगिताको विपक्षमा देखिएपछि कोपा अमेरिकामा ब्राजिलको सहभागिताको विषय अन्योलमा रहँदै आएको थियो । ब्राजिल फुटबल कन्फेडेरेसनका कार्यवाहक अध्यक्ष एन्टोनियो कार्लोसले टिमले कोपा अमेरिका फुटबलमा सहभागिता जनाउने बताएका छन् ।

प्रतियोगिता जुन १३ देखि जुलाई १० सम्म हुने तालिका रहेको छ ।