माघ २१, २०७९ शनिबार February 4, 2023

साग क्रिकेटः नेपाल श्रीलंकासँग पराजित

शेयर गर्नुहोस:
फन्ट परिवर्तन गर्नुहोस:

काठमाडौं । उपकप्तान दिपेन्द्र सिंह ऐरीले शानदार ब्याटिङ गर्दै ७२ रन बनाएपनि फिल्डिङमा गल्ती गर्दा नेपाल १३औं साग अन्तर्गत पुरुष क्रिकेटको पहिलो खेलमा श्रीलंका यू२३ सँग ६ विकेटले पराजित भएको छ ।

नेपालले दिएको १७३ रनको लक्ष्य श्रीलंकाली टोलीले ४ विकेट गुमाएर भेट्टायो । उसको जितमा शाम्मु अशानले अर्धशतकीय पारी खेले । उनले ७२ रन बनाए । यस्तै निशान मदुस्काले ४६ र पथम निशान्काले ३० रन बनाए ।
निशान मदुस्का र पथुम निसान्काले पहिलो विकेटका लागि ३ ओभरमै ३६ रनको साझेदारी गर्दै उत्कृष्ट शुरुवात दिलाएका थिए । तेस्रो ओभरको अन्तिम बलमा सोमपाल कामीले निसान्कालाई विकेटकिपर विनोद भण्डारीको हातबाट क्याचआउट गराउँदै पहिलो सफलता दिलाएका थिए ।

पाँचौ ओभरको पहिलो बलमा पवन सर्राफले कामिन्डु मेन्डिसलाई आउट गरे । उनले १ रन मात्र बनाए । सुशन भारीले छैटौं ओभरको तेस्रो बलमा ६ रन बनाएका कप्तान असालान्कालाई आउट गर्दै नेपाललाई खेलमा फर्काएका थिए ।

तर निसान्का र शाम्मु अशानले चौथो विकेटका लागि उत्कृष्ट साझेदारी गर्दै श्रीलंका यू२३ लाई जित दिलाए नेपालले फिल्डिङमा ३ वटा क्याच मिस गरेको थियो ।

निसान्का र शाम्मुले चौथो विकेटका लागि ९१ रनको साझेदारी गरे । निशान्का ४६ रन बनाएर आउट भए । त्यसपछि शाम्मस अशानले अन्तिमसम्म ब्याटिङ गर्दै श्रीलंकालाई जित दिलाए । उनले ४४ बल खेल्दै ४ चौका र ५ छक्काको मद्दतमा ७२ रन बनाए ।

नेपालका पवन सर्राफले २ विकेट लिए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया