असार १६ गते बाट विद्यालय सञ्चालन गर्ने निर्णय

काठमाण्डौंः स्याङ्गजाको चापकोट नगरपालिकाले असार १६ गते बाट विद्यालय सञ्चालन गर्ने निर्णय गरेको छ । नरपालिका भित्रका सामुदायिक,संस्थागत तथा समुदायमा आधारित बालविकास केन्द्रशहरु लगायत सबै विद्यालयहरु सञ्चालन गर्ने निर्णय गरेको हो ।

नगर शिक्षा समितिको असार ९ गते बसेको वैठकले असार १५ गते सम्म विद्यार्थी भर्ना तथा पाठ्यपुस्तक वितरण गर्ने र असार १६ गतेबाट विद्यालय सञ्चालन गर्न सबै विद्यालयलाई परीपत्र जारी गरेको छ ।

विद्यालय सञ्चालन गर्दा स्वस्थ्य मापदण्ड पालना गर्दे जोर विजोर प्रणली वा बिहान दिउसोको समुह बनाएर दुरी कायम गरी विद्यार्थीको भौतिक उपस्थितिमा गर्ने बैठकले निर्णय गरेको जनाएको छ ।

असार १६ गतेबाट शिक्षकहरु अनिवार्य विद्यालय उपस्थित भई हजिर हुनु भनिएको छ । बाहिरि जिल्लाबाट आउने शिक्षकहरुको लागि नगरपालिकाले निशुल्क एन्टिजेन परिक्षण गर्ने र परिक्षणमा नेगेटिभ रिपोर्ट आएमा मात्र शिक्षकलाई विद्यालय प्रवेश गराईने नगर प्रमुख शिव कुमार गिरीले बताउनु भयो ।

साथै नगरपालिका शिक्षा शाखाबाट माक्स,सेनिटाईजर,थर्मोमिटर, थर्माेगन , अक्सिमिटर , हेन्डवास आदी सामाग्री विद्यालयहरुलाई उपलब्ध गराइने जनाएको छ ।