भीसा प्राप्त गरेका विद्यार्थीलाई विदेश अध्ययनमा जने व्यवस्था मिलाईदिन इक्यानको आग्रह

काठमाडौंः नेपाल शक्षिक परामर्श संघ (इक्यान)ले उच्च शिक्षा हाँसील गर्न विदेश जान चाहने नेपाली विद्यार्थीहरुलाई विभिन्न वैकल्पिक उपाय तथा सावधानि अपनाएर समयमै अध्ययन गर्न जान पाउने व्यवस्था मिलाउन आग्रह गरेको छ । विदेशी शैक्षिक संस्थामा शुल्क बुझाएर बसेका भीसा प्राप्त गरेर यात्रा गर्न नपाएर बसेका विद्यार्थीहरुका लागि अध्ययन गर्न जान पाउने व्यवस्था मिलाउन आग्रह गरेको हो ।

आज प्रस विज्ञप्ति जारी गर्दे नेपाल सरकार शिक्षा मन्त्रालय, परराष्ट्र मन्त्रालय, विदेश स्थित नेपाली दुतावास तथा नेपाली विद्यार्थीहरुले इच्छाएका गन्तव्य मुलुकका नेपाल स्थित दुतावास तथा नियोगहरु समक्ष महँगो शुल्क तिरेर उच्च शिक्षा हाँसील गर्न विदेश जान चाहने नेपाली विद्यार्थीहरुलाई विभिन्न वैकल्पिक उपाय तथा सावधानीकासाथ समयमै अध्ययन गर्न जान पाउने व्यवस्था मिलाउन इक्यानले आग्रह गरेको छ ।

शिक्षा मन्त्रलयले निषेधाज्ञाको समयमा पाँच मुलुकहरुको लागि बन्द गरिएको एनओसी वितरण पुनः खुला गरेसँगै एनओसी नपाएर समस्यामा परेका विद्यार्थीहरुलाई केही सहज हुने र जापान, अष्ट्रेलिया, दक्षिण कोरीया, बंगलादेश र चीनमा अध्ययन गर्न जान चाहने विद्यार्थीहरुका लागि भर्ना प्रकृया पुरा गरि शुल्क पठाउन नपाएका विद्यार्थीलाई यस कार्यले सहयोग पुग्ने विज्ञाप्तिमा उल्लेख गरेको छ ।

त्यसैगरी एनआसी प्राप्त भएपछि विद्यार्थी र अभिभावकहरुलाई शैक्षिक शुल्क पठाउन अनावश्यक दवाव हुने भन्दै सम्वन्धित देशमा महामारीको अवस्था, बोर्डर खुला भए नभएको वा कति समय पछि खुल्ने हो जस्ता सबै विषयहरुमा विशेष विचार पु¥याएर मात्र विदेशी शैक्षिक संस्थाहरुलाई शुल्क वापतको रकम पठाउनु विद्यार्थी तथा अभिभावकहरुलाई आग्रह गरेको छ । खबर एजुकेशन